19.1 C
Hakha
Tuesday, June 15, 2021

Malaysia ah Kawlrammi 5 telhin minung 26 cu MCO zulh lo ruangah RM1,000 cio dantat an tong

Malaysia cozah nawl chuahmi MCO a zul duh lomi minung 26 cu Ipoh pengkulh biaceih zung nih tuni ah RM1,000 cio liam dingin nawl a pek hna. Kawlrammi 5 an i tel.

Biaceih zung nih tangka an liam lo ahcun thla 3 thongthlak an si lai a ti.

Anmah lak ah pakhat cu palek pawl hnahnawhnak a pek hna ruangah RM5,000 dan an tat. A pek khawh lo ahcun thla 6 thongthlak a si lai.

A dang minung 2 cu palek nih Sungai Pari ah an tlaih hna lio ah Identity Card an piah khawh hna lo ruangah RM500 veve dantat an si. An liam khawh lo ahcun thla 2 veve thongthlak an si lai.

MOC zulh lo ruagnah tazacuai tongmi minung 26 chungah ramdangmi 12 an i tel. Myanmar 5, Bangladesh 4, Indonesia 3. Kum 17 in kum 49 kar an si hna.

Malaysia cozah nih a ram chungah coronavirus zawtnak karh hlah seh tiin March 18 inkhan lengchuah biatak tein a phih i a zul duh lomi minung 4,189 a tlaih cang hna. Tlaihmi lakah Chinmi zong an i tel ve.

Malaysia COVID-19

Malaysia
667,876
Mizaw Hmuhmi
Updated on June 15, 2021 6:56 pm
Malaysia
593,695
A Dammi
Updated on June 15, 2021 6:56 pm
Malaysia
4,069
A Thimi
Updated on June 15, 2021 6:56 pm
Malaysia
70,112
Zaw Liomi
Updated on June 15, 2021 6:56 pm

Ṭial Tharmi