15.8 C
Hakha
Wednesday, August 12, 2020

Malaysia ah Covid-19 zawtnak ngeimi minung 4,000 leng an si cang

- Advertisement -

Malaysia ah April 8, 2020 ah Covid-19 zawtnak ngei minung 156 an hmuh chap hna i ram pumpi ah Covid-19 zawtnak ngeimi minung 4,119 an si.

Malaysia cu Southeast Asia ram vialte lakah Covid-19 mizaw an tambiknak a si.

Ngandamnak Zung director-general Noor Hisham Abdullah nih April 8 thawngthanhnak a tuah lio ah minung 2 an thi chap a ti. A thimi dihlak minung 65 an si cang.

Cun, April 8 ni lawng ah a dammi hi minung 166 an si.

A thimi pakhat cu kum 58 nu Malaysia rammi a si. A dang pakhat cu kum 69 pa Pakistan rammi a si. An pahnih in zunthlum le thikai zawtnak a ngeimi an si.

A thimi Pakistan pa hi Sri Petaling ah tuahmi biaknak puai ah aa pum vemi a si.

“Zawtnak ral hi kan tei rih lo nain kan sung rih hlei lo,” tiah Dr Noor Hisham nih a ti.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...