19.5 C
Hakha
Monday, November 29, 2021

Malaysia ah covid-19 in minung 50 an thi cang, a zawmi 3,100 leng

Zahan zaanlei in tu zaanlei tiang suimilaam 24 chungah minung 5 an thi, a thimi dihlak 50 an si cang, tiah Malaysia Ngandamnak Vuanci Zung nih tu zaanlei ah thawng a thanh.

Ni 1 chungah mizaw thar 208 kan hmuh hna, zawtnak ngei hmuhmi dihlak 3,116 an si cang, tiah Ngandamnak Vuanci Zung director-general Datuk Dr Noor Hisham Abdullah (hmanthlak) nih a chim.

“Suimilaam 24 chungah, a dammi 122 cu inn kan ṭinter hna, a dammi dihlak 767 an si cang.

“A zawmi dihlak chungin 24.6% an dam tinak asi.

“Atu hi mizaw 105 cu a zual tukmi zohkhenhnak khaan (ICU) ah kan chiah hna, 54 cu an thaw an chuah kho huaha ti lo i seh kan hmanpiak hna,” tiah a chim.

Malaysia ram ah covid-19 zawtnak karh hlah seh tiin cozah nih March 18 in April 14 tiang lengchuah a phih caah hohmanh rianṭuan khawh asi lo i Chinmi tampi cu hmai thla inn man pek awk le eidin kongah lungrethei in an um cang.

UNHCR sinah bawmh an hal nain atutiang zeihmanh a let bal hna lo.

Ahlei in fa 2 leng a ngei i chungkhar pabik lawng rian a rak ṭuanmi pawl hrim cu an harsa ngai cang.

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi