19.5 C
Hakha
Monday, November 29, 2021

Malaysia ah Covid-19 in minung 43 an thi cang, a zawmi 2,700 leng

Tuni ah covid-19 zawtnak in minung 6 an thi, a thimi dihlak 43 an si cang, tiah Malaysia Ngandamnak Vuanci Zung nih thawng a thanh.

“Tuni ah mizaw thar 140 kan hmuh hna, a zawmi dihlak 2,766 an si cang. A zawmi chungin 1.55% an thi,” tiah Ngandamnak Vuanci Zung director-general Pu Datuk Dr Noor Hisham Abdullah (hmanthlak) nih a chim.

“Mizaw 94 cu a zual tukmi zohkhenhnak khaan (ICU) ah kan chiah hna, 60 cu an thaw an chuah kho huaha ti lo i seh kan hmanpiak hna.

“Tuni ah a dammi 58 cu inn kan ṭinter hna, a dammi dihlak 537 an si cang. A zawmi 19.4% an dam.

“Cozah nih lengchuah a phihnak zarh 2 si cang, i tuni tiangah mizaw thar hmuhmi an tam tuk peng rih.

“Ni fatin mizaw thar hmuhmi an karh chin lengmang, a dammi zong ni fatin an karh.

“A sullam cu, March thla chung ah Ngandamnak Vuanci Zung le adang zung pawl kan rianṭuanmi hlawh a tling ngaingai tinak asi.

“A taangmi zarh 2 hi a biapi tuk hringhran, cozah nih kan i tinh ning in a phichuak kan hmuh/lo cu April 14 hnu ah a lang lai.

“A zawmi tambik cu kum 26 in 30 kar le kum 56 in 60 kar an si,” ati.

Malaysia ram ah covid-19 zawtnak karh hlah seh tiin cozah nih March 18 in April 14 tiang lengchuah a phih. Rawl le sii cawk, le sibawi sin i piah ruah lawngah inn leng chuah khawh asi. Riantuan zong a ngah lo.

Cozah nih lengchuah phihmi cu mipi zulhter dingin Malaysia palek 130,000 leng, Rela 3 millions, DBKL thongsawm tampi le ralkap 50,000 leng nih rampumpi ah mawtaw lam an kham, supermarkets, markets le khua chungah an i chok. Nawl a zul lomi minung 700 leng an tlaih cang hna. Chinmi 10 leng an tlaih ve cang hna.

Charhchan: The Star le NST

Malaysia
2,623,816
Mizaw Hmuhmi
Updated on November 29, 2021 12:29 pm
Malaysia
2,527,052
A Dammi
Updated on November 29, 2021 12:29 pm
Malaysia
30,309
A Thimi
Updated on November 29, 2021 12:29 pm
Malaysia
66,455
Zaw Liomi
Updated on November 29, 2021 12:29 pm

Ṭial Tharmi