26.2 C
Hakha
Monday, June 1, 2020

Malaysia ah Covid-19 in minung 27 an thi cang, a zawmi 2,300 leng

- Advertisement -

Kuala Lumpur — Tuni (March 28) ah covid-19 zawtnak in minung 1 a thi, a thimi dihlak 27 an si cang, tiah Ngandamnak Zung nih a thanh.

Nizaan thawngthanh hnu in tuni tiangah zawtnak ngeimi 159 kan hmuh chap hna caah a zawmi dihlak 2,320 an si cang, tiah Ngandamnak Vuanci Zung director-general Datuk Seri Dr Noor Hisham Abdullah nih a chim.

“Tuni a thimi cu kum 61 Malaysia pa asi i zuunthlum le thikai zawtnak zong a ngeimi si.

“Tuni ah a dammi 61 cu inn kan ṭinter hna, a dammi dihlak 320 an si cang [atu sizung ah thlop liomi mizaw 1,973 an um]. 13.8% an dam kan ti lai cu.

“Minung 73 cu a zual tukmi zohkhenhnak khan (ICU) ah kan chiah hna. 54 cu an thaw an chuah khawh huaha ti lo caah seh kan hmanpiak hna.

“Ramdang in a rung kirmi paoh cu an ngandamnak check hnu ah ni 14 chung an inn chungah erhter an si lai.

“A zawmi cheukhat cu naite ah ramdang in a rung kirmi an si. Mah ruang cun, ruahnak kan in cheuhmi hna hi biatak tein nan zulhnak lai kan in nawl hna.

“Mipi a niam le a sang ti um loin kan sining cio in kan i ralrin a herh. Zawtnak a karhnak hnga lo, nawl kan chuahmi zulh hi a biapi tuk hringhran,” tiah a chim.

Kuala Lumpur ah cozah lengchuah phihmi a zul lomi minung 43 palek nih an tlaih cang hna. Penang ah minung 30 hrawng an tlaih ve cang hna.

Rawl le sii cawk le sizung/clinic i piah ruah lawngah lengchuah a ngah, mah hmanh cu chungkhar 1 in minung 1 lawng lengchuah a ngah. A zaw tukmi si ahcun minung 1 nih zulh khawh si – hihi na zulh lo ahcun palek nih an in tlaih lai i thong na tla lai.

Charhchan: The Star

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...