12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Malaysia ah Covid-19 in minung 20 an thi cang, a zawmi 1,700 leng

    Ṭial Tharmi

    - Advertisement -

    Petaling Jaya — Tuni March 25 zaanlei tiangah Covid-19 zawtnak in minung 5 an thih chap caah a thimi dihlak 20 an si cang, tiah Malaysia Ngandamnak Vuanci Zung nih a thanh.

    Mizaw thar 172 kan hmuh hna caah a zawmi dihlak 1,796 an si cang, tiah Ngandamnak Vuanci Zung director-general Datuk Seri Noor Hisham Abdullah (hmanthlak) nih a chim.

    “Tuni ah a dammi 16 cu inn kan ṭinter hna. A dammi dihlak 199 an si cang.

    “Mizaw thar 172 chungah 71 cu Sri Petaling um muslim biakinn Masjid Jamek ah aa rak pum vemi an si.

    “Covid-19 in a zawmi dihlak chungah cheuthum-cheuhnih cu mah biakinn ah aa rak pummi le anmah he aa naihniammi pawl an si.

    “A zawmi 45 cu a zual tukmi zohkhenhnak khaan (ICU) ah kan chiah hna. Mah chungah 34 cu an thaw an chuah kho huaha ti lo i seh kan hmanpiak hna.

    “A thimi 4 cu damh har zawtnak dang a rak ngei ciami tar (pa) an si. Adang pakhat cu kum 68 nu asi.

    “Mizaw 1,796 chungah Ngandamnak Vuanci Zung rianṭuan 73 an i tel. Mah chungah 47 cu Masjid Jamek biakinn ah aa rak pummi pawl he ṭhitum puai a zawh ṭimi an si,” tiah a chim.

    Charhchan: The Star

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.