Malaysia ah Chinmi 2 nih a kan liamtak

Malaysia: Maria Cing Lam Nuam cu Kepong khua i a umnak inn ah ai hngilh lio, August 3 zinglei 6:30am ah ruah lo piin a nunnak liam.

Theresa Cing Lam Nem, kum 40 zong a umnak Cheras Batu 9 sang inn chung i a um lio August 3 chun hnu 1:45pm ah ruah lo piin a nunnak liam.

An ruak cu palek nih Serdang Sizung ah an kuat. Tu zingka ah Malaysia Chin RC khrihfabu nih an ruak cu an lak i Sentul um St. Joseph Church ah ruak humh thlacamnak an tuah.

Zaanlei 1pm ah Kuala Selangor thlanmual ah an vui hna.

Um thai le lu phum kan i timh lonak Malaysia ram ah Chinmi 2,000 leng kan nunnak a liam cang.

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.