Miss Charity Queen Myanmar 2015 ngahtu Chin lengdawh Rosy Tawk Tha Par cu a tlangval Joachim he a ra laimi July 26, 2019 (Cacawn Ningani) ahkhin tthitum puai an tuah cang lai. The Chin Express nih kan in lawmhpi hna.

Rosy a va ding Joachim cu Yangon khua ah a ummi Pu Khen Tlung le Pi Khin San Aye hna i an fa upabik a si.

Rosy Tawk Tha Par cu Congthia khuami Pu Zung Hei le Hriphi khuami Pi Tial Bang hna i an fa hniangbik a si. Hakha ah khua a sami an si.

Rosy le Joachim tthitum lehthahnak cu Revival A.G Church ah chun sml 12 ah an tuah lai. Rawldum ttinak cu zaanlei sml 3 in si lai i, Carson Hall ah a si lai.

Rosy hi mi dawh, mi tungtai rem a si. Hi bantuk tungtai aa ngeihmi hi kan Lainu ah an har ngai lai. A san hi pe 5 le letmah 8 a si. Lainu cu chim lo, Laipa hmanh pe 5.8 a tlingmi an har lai.

2014 kum ah tuahmi Kawlram model camipuai a phimi 48 lakah top (8) ah a tel. Cun 2014 kum, Chin Literature & Culture Committee, Rangoon (CLCC) mithar donnak ah leengdawh bik Queen ah thim a si.