Korea lemcang minthang Lee Byung Hun Le Lee Min Jung nih US ram Los Angeles ah $2 million man inn an cawk.

Lee Byung Hun le Lee Min Jung nih Los Angeles khuapi i khualtlawng an kal duh ngainak Universal Studios pawngah $2 million man inn an cawk. An inn cawkmi ahhin minung 5,6 um khawhnak a si tiah theih a si.

Mah kongah, Lee Byung Hun agency BH Entertainment nih “Lee Byung Hun cu Korea ram ah an hmantluk in Hollywood ah an hman ve. America ram ah umnak hmun a ngeih a hau. Cu ruangah, inn an cawk hi a si” tiah a ti.

Lee Byung Hun cu 2009 ahkhan ‘G.I. Joe: The Rise of Cobra’ in Hollywood movie aa thlak avoi khatnak bik a si.

Mah hnu in cun G.I. Joe: Retaliation, RED 2 le Terminator Genisys ah pehzulh in a hun i thla tthan.

US ah Lee Byung Hun a cawlcangh ning kong he pehtlai in a company nih “Movie thlak dingmi konglam le tuanbia kan zoh lio a si. Zeibantuk movie dah aa thlak lai ti cu bia kan khiah rih lo” a ti.

Lee Byung Hun aa thlak dih cangmi Korea movie ‘Chiefs of Namsan’ cu tu kum chungah chuah kho dingin timhlamhnak an ngei. _ Soompi