Myanmar actress Pwint Nadi Maung nih a hlan ah tthitum puai he aa pehtlaimi sipuazi a tuah i Kyats ting 2,000 leng a rak sung. Cu kongah Pwint Nadi Maung nih a tanglei bangin a chim.

Pwint Nadi Maung: A ruangbik cu keimah nih ttha tein ka tlangtla kho lo. A hlan chan ahcun pre wedding hmanthlak te hna a um tuk lo. Atu chan ahcun a lar i an tuah duh cio.

Puai nganpi an tuah lo hmanh pre wedding hmanthlak cu sunglawi le ngan tak in an tuah. Riantha ngai a si.

Ka sunghnak a hrambik pakhatnak hi sipuazi tuah ka thiam lo buin ngantuk in kaa thok. Keimah santlaih lo ruangah kan ti lai cu. Ka pa ngandam lo ruangah dawr ah ka um kho bal lo.

Ka pa dam loin ihkhun cung a um hi kum 2 hrawng a si. Mah ahcun video zong kaa thla kho lo. Dawr zong ka zohkhenh kho lo. Dawr tuah ahcun a ngan ah siseh, a hmet ah siseh mah nih umpi bak ah a ttha.

Customer zong tampi kan ngei ko nain kan sung. Ka pa thih hnu khan pehzulh ka timh ko nain ka ngol tthan. Kyats ting 3,000 dengmang ka sung. Dawr ka on lai ka ti ahcun ka nu nih na voikhat sipuazi tuahnak si caah a ti i amah nih tangka ka hman.

Ka nu tangka cu keimah tangka si ve ko. Ka lungtu cu nuam lo. Ka nu cu tangka kan cham tthan lai ti cu ka hei ti tawn ko. Atu lio ahhin cun sipuazi tuah ka tim rih lo, ka tuah hmanh ah keimah nih thiam taktakmi lawng ka tuah lai. _ MC