18 C
Hakha
Tuesday, September 21, 2021

Korea minta So Ji Sub nih a nungak Cho Eun Jung a tthit

Korea minta So Ji Sub cu tlangval a si ti lo.

Kum 42 a simi Korea minta So Ji Sub le a nungak Cho Eun Jung cu tthitumnak an tuah cang tiah minta agency 51k nih Nihnihni (tuni) ah a thanh.

So le Cho cu an chungkhar hna he lawng ttitum puai cu a hmete in an tuah i, nuva sinak minsen zong an thut cang, tiah 51k nih a ti.

Cho cu TV show pakhat ah reporter a ttuan bal i So interview a tuahnak in aa theimi an si. Kum tampi kan i duh cang tiah ni kum May thla ahkhan an rak phuan.

So le Cho te nupa nih atu lio Covid-19 zawtnak ruangah harsetnak a tongmi mibawmtu bu Good Neighbors (NGO) sinah 50 million won ($40,900) an hlut lai tiah agency nih a thanh.

Cu lawng si rih loin, So le Cho nih kum tlinglo ngakchia pawl online in fim an cawn khawhnak hnga caah tablet le a herhmi thilri zong an bawmh hna lai.

Glass Slippers

So Ji Sub cu Laimi tampi nih cun 2002 chuak ‘Glass Slippers’ drama i Park Chul Woong in kan theih ciomi a si.

Cun, ‘Something Happened In Bali’, ‘Mater’s Sun’, ‘Oh My Venus’ timi drama pawl in mipi nih uar ngaimi minta a si.

Malaysia
2,112,175
Mizaw Hmuhmi
Updated on September 21, 2021 10:41 am
Malaysia
1,880,733
A Dammi
Updated on September 21, 2021 10:41 am
Malaysia
23,744
A Thimi
Updated on September 21, 2021 10:41 am
Malaysia
207,698
Zaw Liomi
Updated on September 21, 2021 10:41 am

Ṭial Tharmi