Korea actor So Ji Sub cu amah nak kum 17 ngakchia simi reporter Jo Eun Jung he an i duh tiah May 17 thawngpang a chuak.

So Ji Sub (kum 41) cu 2018 March thla ahkhan Jo Eun Jung nih SBS tuahmi Night Of Real Entertainment i ‘Be With You’ tlangtar in interview a rak tuah i mah in cun an rak i thei.

Mah hnu cun an i tong lengmang.

“So Ji Sub le Jo Eun Jung an i duh timi cu a dikmi si ko. An pahnih in an i duh tuk. Nain, a pumpak kong si ruangah zeican dah an i duh cang titu cu kan hngal lo,” tiah So Ji Sub agency 51K Entertainment nih thawng a thanh.

An i duh timi thawngpang a len hnu in So Ji Sub nih mipi sinah ca a rak ttial ve.

“Ka dawtmi ka fans pawl, ruah lo piin ka thawngpang nih an lauter hna. Tuan te in nungak ka ngeih kan chimh hna lo ruangah ka ngaithiam uh.”

“A ka daw zungzaltu le thazaang a ka pe zungzaltu mipi nih hi thawngpang hi zeitin dah nan ruah lai ti ka lungrethei tuk. A chim lai zong ka tih tuk.”

“Nain, dawtnak thinlung te he an ka ruahpiaknak lai kan nawl hna. Ka caah a sunglawi tukmi minung pakhat a um. Amah cu ka pawngah dai tein a um i thazaang a ka pe i a ka bawmtu a si.”

“Hmailei zongah ka rian hi tha chin in kaa zuam lai. Nan lung kan rawhter hrimhrim hna lai lo,” tiah So Ji Sub nih ca a hun ttial. _ Allkpop