12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Kawlram ah mizaw nu 1 a thi i Covid-19 a si lo an ti

    Ṭial Tharmi

    - Advertisement -

    Mandalay khuapi ah a ummi Kandaw Nadi sizungah cuap lei damlonak in zohkhenhmi nu pakhat cu nizaan March 17 ah a thi.

    Nain, a zawtnak resulh cu tu zingka ah a chuak i coronavirus zawtnak a ngei lo tiah Ngandamnak le Zaangleknak Vuanci Zung nih thawng a thanh.

    Kum 22 nu cu March 17 ahkhan cuap lei damlo nak in Kandaw Nadi sizung a phan i sibawi te nih hmun dang tein an chiah i an zohkhenh. Minu cu March 17 zingka ah a nunnak liam.

    Online hmangtu Kawlrammi cheukhat nih cun Southeast Asia ram vialte ah coronavirus zawtnak ngeimi an hmuh hna. Zeihmanh silomi Myanmar ram ah coronavirus zawtnak ngeihmi pakhat hmanh an um lo ti cu a si kho lomi a si an ti.

    Kawlram pumpi ah coronavirus lunghrinhmi minung 5 an si cang

    Nain, micheukhat nih cun atu tiang kan ram ah coronavirus a um rih lomi cu lawmh a um tuk hringhran an ti ve.

    Ngandamnak le Zaangleknak Vuanci Zung nih “Covid-19 kong ah a diklomi thawngpang a thlahtu paoh cu fak piin dantat an si lai,” tiah thawng a thanh.

    “Covid-19 kong ah a dik lomi thawngpang cu Facebook in an thlah ahcun Facebook Team sinah thawng kan thanh lai i account thahpiak a si lai.”

    “Page in an thlah ahcun page tawlreltu pawl cu kan ton hna lai i a herh ningin kan tawlrel lai. Media nih an thlah ahcun Myanmar Press Council sinah kan report hna lai,” tiah Ngandamnak le Zaangleknak Vuanci Zung rianttan Dr Khin Khin Kyi nih a chim.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.