19 C
Hakha
Monday, June 1, 2020

Kawlram ah Covid-19 zawtnak ngei minung 8 an um cang

- Advertisement -

Tuni, Zarhteni ah Myanmar ram ah covid-19 zawtnak ngei minung 3 an hmuh chap hna caah an dihlak 8 an si cang. Naypyitaw um UN zungah rianṭuanmi Switzerland nu zong aa tel.

Kum 58 a simi Switzerland nu cu March 18 ah Myanmar ram a phan. Myanmar a rat hlan ah Switzerland ram ah covid-19 zawtnak a ngeimi apa he naih tukin an umṭi, tiah Myanmar Ngandamnak le Zaanglek Zung nih a chim.

UN nih, “Naypyitaw a phak cangka in ralrin ah amah dang tein a um peng,” tiah cathluan a chuah.

Covid-19 zawtnak letkhana a ngeih hnu in Nilini ah sizung ah aa piah. A taklin, a khuh i a chungtlik. Zarhteni ah covid-19 zawtnak rungrul a ngei tiah an fehter.

Napyitaw um M Gallery Hotel ah a ummi si. A umnak khaan ‘presidential suit office’ cu zawtnak rungrul thahnak sii an kah i a sinum le mawṭaw mongtu cu sizung ah adang tein an chiah hna, zawtnak an ngeih/lo a fiang rih lo.

Yangon ah zawtnak ngei 2 an hmuh chap ve hna

Yangon um kum 29 pa le kum 60 nu zong covid-19 zawtnak an ngei ve, tiah tuni ah Ngandamnak Zung nih a thanh.

Mipa cu March 21 ahkhan UK ram in a rung tlungmi Kawlrammi asi.

Kum 60 nu cu khualtlawng (tourist) lamhruaitu asi i liamcia ni 14 chung ahkhan French tourist pawl he Kawlram ah an vak ṭi. Nihnihni ah a taklin, a khuh i aa luak caah a thaizing ah Yangon General Hospital ah aa piah.

Anmah he aa naihniammi paoh cu tlaih in adang tein chiah dingin Ngandamnak Zung nih a kawl cuahmah hna lio asi.

Chin pa telh in minung 7 cu damlei an panh

Covid-19 zawtnak a ngei tiin fehter cangmi minung 8 chungah 7;

  • Chin state, Tedim Hospital ah thlopmi Chin pa,
  • Yangon um Waibargi Hospital ah thlopmi minung 4,
  • Mandalay um Kandaw Nadi Hospital ah thlopmi 1 le
  • Naypyitaw Sizung ah thlopmi 1, an dihlak minung 7 cu damlei an panh cuahmah ko, tiah Ngandamnak Vuanci Zung nih Zarhteni zaan tlai hnu ah thawng a thanh.

Yangon General Hospital ah a zawtnak hmuhmi 1 cu March 27 ah Waibargi Hospital ah an ṭhial i a zual tukmi zohkhenhnak khaan (ICU) ah an chiah.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...