19 C
Hakha
Monday, June 1, 2020

Kawlram ah Covid-19 zawtnak in a dammi Switzerland nu sizung in a chuak cang

- Advertisement -

Naypyitaw sizung ah Covid-19 in a zawmi kum 58, Switzerland nu (mizaw No.7) cu a dam cang caah sizung in a chuak cang. Laboratory result ning ah voi 2 tiang rungrul an hmuh ti lo caah April 8 zaan ah sizung in an chuahter cang.

A umnak hmun ah ni 14 chung a zawtnak thian/tak lo an zoh tthan rih lai.

Myanmar ram ah Covid-19 zawtnak ngei mithar kan hmu ti lo tiah Ngandamnak le Zaanglek Vuanci Zung nih thawng a thanh.

Myanmar ram ah Covid-19 mizaw thar an hmuh ti lonak ni 2 si cang.

April 8 zaan ah Yangon um National Health Laboratory ah minung 33 coronavirus zawtnak an ngeih/lo testmi result a chuak i aho hmanh an ngei lo.

April 7 zong ah coronavirus zawtnak ngeimi an hmu hna lo.

Nain, April 8 ah Covid-19 zawtnak ngeimi No.16 le 17 an thi.

Mizaw No.16 cu kum 63 a si i zunthlum zawtnak a ngeimi a si. Yangon um Weibagi sizung ah a thi.

Mizaw No.17 (kum 47) cu mizaw No.15 i a vapa a si, thikar zawtnak a ngeimi a si. Pyay sizung ah a thi.

“A thimi pa i a chungkhar cu cozah nih kan zohkhenh hna lai,” tiah Pi Aung San Suu Kyi nih a ti.

“A ra laimi zarh hi Myanmar ram caah ttihnung dirhmun a phanhtertu a si kho. Cucaah, aho paoh nih nawl nan ngeih a hau. Zulhphung nan zulh cio ahcun zawtnak hi control khawh lo dirhmun tiang a karhnak ding lam um lo,” tiah Pi Suu Kyi nih a chim fawn.

Myanmar ram ah Covid-19 zawtnak ngeimi dihlak 22 an um i minung 3 an thi cang.

A tangmi pawl cu an ngandam dih hna i mizaw zual zohkhenhnak ah a ummi ho hmanh an um lo tiah Ngandamnak Zung nih a ti. – BBC Burmese

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...