20.1 C
Hakha
Wednesday, June 16, 2021

Kawlram ah Covid-19 mizaw 4nk pa sinah zawtnak rungrul an hmu ti lo

Mandalay khuapi um Kandaw Nadi sizungah amah dang tein cawnghhramh liomi Covid-19 mizaw 4nk pa cu April 2 ah avoi 3nk an test i a pum ah zawtnak rungrul an hmu ti lo tiah The Irrawaddy Burmese nih a ttial.

Kandaw Nadi sizung lutlai Dr Khin Kyaw nih “Covid-19 mizaw 4nk pa cu avoi 3nk kan check i atu hi a pum ah zawtnak rungrul kan hmu ti lo.

“Covid-19 mizaw pakhat cu a pum ah zawtnak rungrul hmuh ti lo zongah rungrul a tlau/tak lo fehternak caah pehtlai in a tlawmbik voi 2 tel cu check nolh rih a hau. Mizaw cu a ngandam ko. Caan hman tein kan check. Sizung ttumternak zulhphung kan sermi a tlinh dih ahcun sizung in ttinter a si lai,” tiah a chim.

Hi Covid-19 mizaw pa cu avoi khatnak an check lio ahhin voi 2 khelte Covid-19 rungrul a ngei ti an hmuh. Zarh 1 hnu hrawng ah an check tthan i zawtnak rungrul cu an hmu ti lo. Nain, ni tlawmpal ah zawtnak rungrul a tlau/taklo an check tthan lai.

Mizaw pa hi US rammi sinak a ngeimi a si i March 19 ahkhan Kawlram a phan. March 22 ah zawt hram aa thok i March 25 ah Mandalay sizung ah aa piah i Kandaw Nadi sizung ah an kuat. March 26 ah coronavirus zawtnak a ngei tiah an fehter.

Atu hi Myanmar ram ah Covid-19 zawtnak ngeimi minung 20 an si i naite ahkhan 1 a thi.

Tuni ah minung 55 kan check hna i zawtnak ngeimi kan hmu hna lo tiah Myanmar Ngandamnak le Zaangleknak Vuanci Zung nih a thanh.

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi