19.5 C
Hakha
Monday, November 29, 2021

Kawlram ah Covid-19 in minung 1 thi

Covid-19 zawtnak a ngeimi pa cu tu zingka 7:25am ah Yangon um Weibargi Specialist Hospital ah a thi. Stage-4 hnar cancer zawtnak zong a ngeimi si.

Kum 69 pa hi Myanmar ram ah covid-19 zawtnak in a thi hmasa bikmi asi. Atutiang ah covid-19 zawtnak ngei minung 14 an si cang. Zawtnak ngei thar an um/lo cu tuzaan ah Ngandamnak Vuanci Zung nih thawng a thanh ṭhan lai.

A thihnak aruang cu;

  1. A thaw dawpchuahnak lam ah rungrul a lut i a thi ah poison a lut,
  2. Covid-19 nih fak tukin a cuap phinter le
  3. A ngeih ciami zawtnak hnar cancer ruangah asi, tiah Ngandamnak Vuanci Zung nih a thanh.

Mithi pa hi Australia ram ah thla 1 chung a hnar cancer aa thlop hnu ah March 14 ah Myanmar ram ah a rung kirmi asi. A stage-4 hnar cancer zawtnak i thlop dingin Yangon General Hospital ah aa piah ṭhan i March 27 ah covid-19 zawtnak a ngeihmi an hngalh.

A chungkhar cu an dihlak in an dam ko, tiah theih asi.

Myanmar Ngandamnak le Zaanglek Vuanci Zung i Chawnh Khawhmi Zawtnak Khamnak le I Vennak Zung hruaitu Dr. Khin Khin Gyi nih, “mipa hi a hnar cancer ruangah a zual tukmi zohkhenhnak khaan (ICU) ah rak chiahmi asi. Cancer zawtnak a ngeimi si, a cuap telh in a chunglei ruhkhua an tha der tuk. A thihnak aruang cu a ngeihciami zawtnak le covid-19 zawtnak aa cawh ruangah si,” tiah a chim.

“Mah pa he naihniam tein a rak ummi pa cu Weibargi Hospital ah kan thlop lio si…,” tiah Ngandamnak le Zaanglek Vuanci Zung nih Zarhpini ah a rak thanh bal.

Malaysia
2,623,816
Mizaw Hmuhmi
Updated on November 29, 2021 1:29 pm
Malaysia
2,527,052
A Dammi
Updated on November 29, 2021 1:29 pm
Malaysia
30,309
A Thimi
Updated on November 29, 2021 1:29 pm
Malaysia
66,455
Zaw Liomi
Updated on November 29, 2021 1:29 pm

Ṭial Tharmi