18 C
Hakha
Tuesday, September 21, 2021

Kawlram ah Covid-19 in a zawmi 2 cu an zual tuk caah Ventilator an bunh hna

Myanmar ram ah Covid-19 zawtnak a ngeimi minung 21 an um i cu chungah mizaw No. 15 le 16 cu an zawtnak a zual tuk caah cuap thli luhchuahternak seh (ventilator) kan bunh hna, tiah Myanmar Ngandamnak le Zaanglek Vuanci Zung nih a ti.

“Mizaw 2 cu mizaw zual zohkhenhnak khan ah kan chiah hna i ventilator kan bunh hna. An zual ngai ti khawh a si,” tiah Ngandamnak Zung leiin biachimtu Dr Thar Tun Kyaw nih a chim.

Mizaw No.15 hi kum 45 nu a si i Covid-19 mizaw No.8 he pehtlaihnak a ngeimi mizaw No.11, 12 le 13 (minung 3) i an ngandamnak thohkhansa a chuahtu Yangon khuapi um private sizung pakhat ah rian a ttuanmi a si.

March thla dongh lei ahkhan a cumpi, a taklin i a thadih caah sizung ah aa piah, Covid-19 zawtnak a ngei tiah an fehter.

Covid-19 mizaw No.15 nih a vapa, a fale 2 le a tunu zong zawtnak a chawnh ve hna. A vapa cu a tak tlawmpal a lin. A fale 2 le a tunu cu an ngandam ko.

Covid-19 mizaw No.16 cu kum 63 nu a si i, Dubai in a rak tlungmi a fapa airport ah a va don hnu zarh 1 ah a thadih, a dam lo caah sizung ah aa piah, Covid-19 zawtnak a ngei ti an fehter.

Pi Aung San Suu Kyi nih Myanmar ram ah Covid-19 zawtnak ngei avoi 1nk bik kan hmuhnak in ni 14 a si cang. Zeitluk in dah zawtnak a karh ti cu tu hnu zarh 2, 3 ah a fiang ko lai tiah a Facebook account ah nizaan ah a ttial.

“Myanmar ram ah avoi 1nk bik Covid-19 zawtnak ngei Tedim pa cu atu tiang sizung in a ttin rih lo. A zawtnak kan check lengmang lai i a thian taktak hnu lawngah sizung in kan ttinter te lai. Atu tiang ahcun sizung in ttinter dingin zeihmanh khua kan khan piakmi a um rih lo,” tiah Dr Thar Tun Kyaw nih a chim. – BBC Burmese

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi