26.5 C
Hakha
Monday, June 1, 2020

Kawlram ah coronavirus zawtnak ngeimi minung 10 an si cang

- Advertisement -

Myanmar ram Ngandamnak le Zaangleknak Vuanci Zung nih coronavirus zawtnak ngeimi minung 2 kan hmuh chap tiah a thanh. Atu hi Kawlram ah coronavirus zawtnak ngeimi minung 10 an si cang.

March 29 zaan sml 9 (Kawlram caan) ah laboratory result a chuak i zohkhenh liomi mizaw 82 chung ah minung 2 cu Covid-19 zawtnak an ngei tiah zaan sml 10.30pm ah Ngandamnak le Zaangleknak Vuanci Zung nih thawng a thanh.

Pakhat cu kum 44 a si i Yangon ramtthen, Mingalardon peng, Palaymyothit ah a ummi a si. March 23 ahkhan Thailand ram in Myawaddy lei in Kawlram ah a rak lutmi a si.

A dang pakhat cu Yangon ramtthen, Mingalartaung peng ah a ummi kum 45 pa a si. Australia in a rak tlung i coronavirus zawtnak a ngeimi Myanmar pa nih a chawnhmi a si.

An pahnih in Myanmar rammi an si i atu tiang ahcun an ngandam i Weibagi sizung ah a dang tein zohkhenh an si lai.

March thla chungah Thailand ram ah rian a ttuanmi Kawlrammi 23,000 leng cu Myawaddy-Maesot hlei in an rak lut hna i atu ahcun Kawlram chungah an vai dih cang. Anmah chungah coronavirus zawtnak ngeimi an um ahcun Kawlram mipi caah thinphang ngaingai a si.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...