12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Kawlram ah Chin pa telh in Covid-19 zawtnak ngei 2 an um

    Ṭial Tharmi

    - Advertisement -

    Nizaan ah Myanmar ram ah avoi 1nak bik Covid-19 zawtnak ngei minung 2 an hmuh hna. Pakhat cu nupi ṭhit ruah ah US in a rung tlawngmi Chin pa asi. Adang cu UK in a rung tlungmi si.

    US khuasa kum 36 Chin (Tedim) pa cu nupi ṭhi dingin March 13 ahkhan Kawlram ah a tlung. March 19 ahkhan a taklin i a zawt caah Population Services International clinic ah aa piah.

    March 21 ahkhan Chin state, Tedim cozah sizung ah an ṭhial i adang tein an chiah. A zawtka ah a khuh lo i thawchuah zong aa harh lo.

    Nain, a zawtnak virus cu March 22 ah Yangon laboratory ah an kuat i nizaan March 23 ah result an zoh tikah Covid-19 virus a rak si.

    March 23 zaan 11pm tiang ahcun a taklin ti lo i thawchuah zong aa harh lo, a dam deuh ngaimi alo.

    Chin pa hi US green card aa tlaihmi si.

    Atu hi Chin state, Tedim sizung ah adang tein kan chiah i kan congh lio si, tiah Myanmar Ngandamnak Vuanci Zung nih a thanh.

    UK in a rung tlungmi pa Covid-19 zawtnak a ngei ve

    England ram in March 22 ah Myanmar ram a tlungmi kum 26 Kawlram pa cu Hlegu Township um Ngandamnak Zung tinṭan kainak sianginn ah adang tein an chiah.

    March 22 zaan ah Hmawbi peng ah an ṭhial i amah dang tein an chiah. Kawlram a tlun ni in nizaan tiang kha a taklin lo i thawchuah zong aa harh lo nain a tlunka ah a ngandamnak an test mi result cu March 23 ah laboratory ah an zoh i Covid-19 zawtnak a ngei.

    March 23 zaan ahkhan ဝေဘာဂီအထူးကုဆေးရုံ ah kan ṭhial i ningcang tein kan thlop lio asi, tiah Ngandamnak Vuanci Zung nih a thanh.

    Acunglei langhtermi minung 2 i an zawtnak an checkmi result cu tuni March 24 ahhin Vawlei Ngandamnak Bu (WHO) ah an kuat lai i WHO nih Covid-19 zawtnak asi/lo a check ve lai i a fehter lai.

    Anmah pahnih he aa chawnbia mi le an pawngkam a rak ummi paoh cu kan kawl hna lai i vak lo dingin adang tein kan chiah hna lai, tiah Ngandamnak Vuanci Zung nih a chim.

    Kawlrammi i ralring usih

    Ramkip ah coronavirus zawtnak ngei tampi an um nain Kawlram ah an rak hmuh bal hna lonak aruang cu nizaan tiangah minung 214 lawng an check hna, tiah AFP nih a phuan.

    Minung 54 million umnak ram ah minung 214 lawng an check hna ahcun zeitin dah an hmuh khe lai.

    2019 December in atutiang ah China, Thailand, US, Singapore, UK, tbk., ramdang in Kawlram a lutmi lawng hmanh a ting leng an si lai, million hmanh an tling kho.

    Cucaah, cozah nih Covid-19 zawtnak ngei an um lo a rak ti lengmangmi le atu ah minung 2 lawng a hmuhmi hna ruangah ral ṭha ngai in duh paoh in chawhvah ding asi leem lo.

    Malaysia le ramdang ahcun minung thongsawm tamtuk an check hna caah a zawmi tam deuh an hmuh hna nak si.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.