9 C
Hakha
Monday, November 29, 2021

Kawl Ralkap vanlawng bomb nih Chin khuami 7 a thah hna, 8 hliamtuar

Chin state — Nizaan, April 7 zaanlei ah Paletwa peng i Hnan Chaung Wa khuate cu Kawl Ralkap nih vanlawng 2 in bomb in a kah i sualnak ngei lo khuami 7 a thah hna, adang 8 a hliamh hna.

Paletwa peng Khumi Mino Bu secretary Salai Aung Soe nih, “Paletwa khuapi in meng 10 hla ah a ummi Hnan Chaung Wa khuate ah April 7 zaanlei 4pm hrawng khan vanlawng 2 nih voi 1 kah ah bomb 2 veve an kah i an khua cu bomb 4 nih a den,” tiah a chim.

“Khuami 7 a thah hna i adang 8 a hliamh hna. A thimi cu nu 3 le pa 4 an si,” ati.

Mah ruangah Hnan Chaung Wa khuami nih an khua an chuahtak i nunnak kawl in an dihlak in Paletwa khuapi ah an zaam.

“Hi bantuk a can caah khua ah an um ngam ti lo. An dihlak in Paletwa khua ah an rung zaam. Hmasa ah Paletwa khuapi a rung zaammi 2,000 hrawng an si cang, atu he cun an tam chin lengmang,” ati.

Chin state ah Rakhine hriamtlai (AA) le cozah ralkap kar ral a zual chin lengmang caah hartong Chinmi an karh chin lengmang.

Cozah Ralkap nih sualnak ngei lo khuami nunnak zei rel loin vanlawng in Chin khuate a kah hna ruangah Chinmi 28 leng a thah cang hna, 36 leng a hliamh cang hna.

Raltuk ngol ulaw atu lio pulrai coronavirus i runvennak tu hi usape uh, tiin ramkip tanzung hruaitu nih an forhfial hna nain cozah ralkap nih nizaan ah hitin Chin khuami 7 a thah hna i 8 a hliamh ṭhiam hna.

Charhchan: Chin World

Malaysia
2,619,577
Mizaw Hmuhmi
Updated on November 29, 2021 4:14 am
Malaysia
2,522,045
A Dammi
Updated on November 29, 2021 4:14 am
Malaysia
30,280
A Thimi
Updated on November 29, 2021 4:14 am
Malaysia
67,252
Zaw Liomi
Updated on November 29, 2021 4:14 am

Ṭial Tharmi