19.5 C
Hakha
Monday, November 29, 2021

Kawl Ralkap nih Vanlawng Bomb in Chinmi 11 a thah hna

March 14 ah Myanmar cozah ralkap nih Chin state, Paletwa peng i Meesawa khuate 3 ah vanlawng in bomb tampi a thlak i khuami Chinmi 11 a thah hna, tiah Khumi Affairs Coordination Council (KACC) nih tuni ah cathanh a chuah.

“A thimi 11 cu pa 8 le nu 3 an si.

“Adang 12 (pa 8 le nu 4) zong fak tukin hliam an tong. Cun, pa 2 le nu 1 zong fak tuk loin hliam an tong.

“Hliam tongmi pawl cu zahan zaanlei ah Sami khua sizung ah an kalpi hna. Fak khun in hliam tongmi 8 cu Matupi sizung ah an kalpi hna. 8 chungah a zual khunmi 3 (pa 2 le nu 1) cu Mindat sizung ah an ṭhial hna.

“Hi bantuk thil nan tuahmi hi KACC nih fak piin kan lungtlin lonak kan langhter,” tiah KACC nih Myanmar cozah ralkap nih Chin khuami a thahmi hna a lungtlin lonak a langhter.

March 11 ah Meesawa khua pawngah AA nih Kawl Ralkap an kah hna i 30 hrawng an thah hna, 20 an tlaih hna.

Mah ruangah Myanmar cozah ralkap (Kawl Ralkap) nih AA an um tiin a zumhmi Chin khuate 3 ah nizaan ah bomb tampi a thlak hi si.

Ruah lo piin a thlak caah khuami an zaam manh lo. Inn vialte an kaang in an rawk dih.

Hliam tongmi pakhat hmanthlak cu ṭih nun tuk caah zapi hmuh awk in tar awk ṭha lo. A poi lo na ti ahcun mah hi hmet law zoh khawh si.

Charhchan: Khumi Media Group

Malaysia
2,623,816
Mizaw Hmuhmi
Updated on November 29, 2021 12:29 pm
Malaysia
2,527,052
A Dammi
Updated on November 29, 2021 12:29 pm
Malaysia
30,309
A Thimi
Updated on November 29, 2021 12:29 pm
Malaysia
66,455
Zaw Liomi
Updated on November 29, 2021 12:29 pm

Ṭial Tharmi