Kawl Ralkap Nih 2008 Phunghram Remh Hi A Ttih Awk Si Lo: Salai Elaisa Vahnie

Kawl Ralkap Nih 2008 Phunghram Remh Hi A Ttih Awk Si Lo: Salai Elaisa Vahnie


US Kawlrammi Zohkhenhnak Bu (BACI) i Executive Director Salai Elaisa Vahnie: Kawlram Ralkap nih 2008 Phunghram remh hi a ttih awk si lo. 2008 Phunghram remhnak ah hin Kawl Ralkap zong an i tel ve a hau fawn.

2008 Phunghram hi democracy he aa kalh ti cu aho paoh nih theih asi i thlen duh cio a si. Nain, zeitin dah kan thlen lai i zeitik ahdah kan thlen lai timi zawn ah kan hmuhning le ruahning tete aa dang cio.

Kawl Ralkap nih an ttih bikmi cu an nun himnak, an economic himnak tanpiak sual lai ding hi a si.

Sihmansehlaw, Daw Aung San Suu Kyi nih NLD cozah a kai hlan in Kawl Ralkap (tamadaw) cu ka pa nih a rak dirhmi a si. Thil sual an rak tuah ciami kong ah ral bantuk in kan leh hna awk (revenge) a si lo.

Zalonnak pek i, itheithiam tthannak (reconciliation) kan tuah lai i, mipi caah a thami ram kan ser tti tthan lai a ti zungzal.

Cun, ramdang hna duh ning le ruah ning (influence) lawng in ram hi hruai ding kan si lo. Kawlram cu Kawlrammi nih a ttha bik in kan hruai ding a si, timi zong fiangtein a langter khawh cang.

Cucaah 2008 Kawlram Phunghram hi remh caan a za cang.

Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.