22.3 C
Hakha
Wednesday, February 19, 2020
More

    Kalay-Hakha lam nylon kattayar an phah kho rih lo

    Follow Us

    99,952FansLike
    440SubscribersSubscribe

    Ṭial Tharmi

    - Advertisement -

    Chin state chaklei i motor lam biapi bik a simi Kalay-Falam-Hakha chawhlehnak lam cu atu tiang nylon kattayar an phah kho rih lo.

    Kalay-Hakha lam nylon kattayar phah ding cu World Bank nih 2023 tiang hngah dingin a kan ti tthan caah atu bantuk in a rauhnak hi a si tiah Chin state Vuanci choh Salai Lian Luai nih a chim.

    Chin state Vuanci choh Salai Lian Luai nih “Kattayar phah cu zeitik indah an thok te lai ti cu chim khawh si rih lo. World Bank nih 2023 tiang hngah dingin a kan chimh. Nain, mah tiang cu rau lo dingin ca kan kuat hna. Anmah lei nih atu tiang ca a kan let rih lo. Ram pumpi cozah he i ceih dingmi a si” tiah a chim.

    2016 ahkhan Kalay-Falam-Hakha lam kattayar phahnak caah World Bank nih $60 million leng cawih dingin rampi cozah he hnatlaknak an rak ngei.

    “Zei ruang ahdah mahtluk hin an rauh ti cu ka hngal lo. Kan ingpuang cang. World Bank nih Kalay-Hakha lam cu kanmah nih nylon kattayar kan phah lai, nanmah cu phah hlah uh a kan ti. Nan phah ahcun kan in phahpiak ti hna lai lo an ti.”

    “Phah lo cun kan um i atu tiang a phah bal hlei lo. Hmasa te ah khatin rak kan chim hlah sehlaw, kanmah budget tein kum 4 chung ahhin kan phah lai i atu ahcun kan lim khawh cang hnga” tiah Salai Lian Luai nih a chim.

    “Wolrd Bank nih lam phah piak dingin a ka chimh ruangah lam phahnak state budget cu Chin state thlanglei i lam pawl sernak caah kan hman.”

    “Chin state thlanglei cu a tthangcho ngai cang. Ramdang in a rung kan tlawngmi Chinmi nih lam kong ah nan um sawhsawh tiin a kan mawhchiat peng. World Bank nih le nanmah tein nan i phah ahcun kan in phahpiak ti hna lai lo an ti fawn” tiah Salai Lian Luai nih a chimchap. – Chin World

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.