18 C
Hakha
Tuesday, September 21, 2021

Ka fanu a daw kho dingmi pa lawng ka cohlan lai: Chan Chan

Myanmar awttha Chan Chan cu a va Phone Theik he phungning tein an i then cang nain an fa nute cu aa chang in an zohkhenh rih. Chan Chan nih ka fa nute a daw kho dingmi pa lawng ka cohlan lai tiah a chim.

“Ka nunnak ah a biapi tukmi cu ka fa nute a daw khotu lawnglawng ka sining ka hrawmh khawh lai. Keimah zong a ka duh takmi a si lai i ka fa nute zong amah fa bantuk tein a daw kho dingmi pa lawng ka cohlan lai caah caan tampi a hau rih. Hngak rih ko uh” tiah Chan Chan nih a chim.

“Ka fa nute i a inntur ning hi keimah nih ka theih bik. Keimah a nu hi a caah a biapi bikmi ka si caah a nu a daw kho dingmi, amah zong a daw kho dingmi le amah zong nih a dawtmi pa lawng ka cohlan lai.”

“Ka fanu cu tang 10 a dih in ramdang ah university ka kaiter lai. Atu tein tangka ka khon lio a si. Rian zong ka ttuan. Keimah ca pakhat hmanh a si lo. Kei cu thil zun 1 in khoika poah ah khua ka sa kho. Hlasak rian ka tttuanmi zong hi chungkhar caah a si. A donghnak bik ka saduhthah cu ka fa nute sianginn ttha ah kaiter hi a si” tiah Chan Chan nih a chim.

A luancia zarh ahkhan an fanute birthday a si i a pa he a nu he tiin a chuah camtuak cu an lawmhpi.

“Keimah le ka va tthing cu hawikawm bantuk kan si cang. A ka theihthiam i, atu ahcun ka khingzaang deuh ngai cang. Atu lawng ah minung ah kaa ruat. Ka zaanglong cang.”

“Minung cu kan i nuamh lawngah kan duhmi kanmah tein kan tuah. Atu ahcun sifah, rumnak in i nuamh hi a biapi deuh tiin ka ruah,” tiah Chan Chan nih a chimchap.

Chan Chan le a fa nute cu 2020 chung ah ramdang ah khualtlawn an i tim i khualtlawnnak dingah tangka aa khon lio a si. – The Irrawaddy Burmese

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi