18 C
Hakha
Tuesday, September 21, 2021

Jack Ma nih US caah mask le covid-19 testnak thilri a hlut

Alibaba company dirhtu China mirum pa Jack Ma nih US caah a hlutmi mask le coronavirus test nak thilri hmanthlak cu Twitter ah a tar.

“Hlutmi thilri pawl cu US ah kuat lio a si,” tiah Jack Ma nih a ttial.

“Khoh khatnak kuatmi mask le coronavirus test nak thilri pawl cu Shanghai in an zuanpi cang. America um kan hawile vialte nan ngandam hram ko seh,” tiah Jack Ma nih a ttial.

Jack Ma foundation nih tuan i Twitter ah a tar ning ahcun coronavirus test nak thilri 500,000 le mask million aa tel.

US ram ah coronavirus zawtnak a ngeimi a tlawmbik minung 3,485 an si i a thimi minung 65 an si cang.

West Virginia state dah ti lo cu a dang state vialte ah coronavirus ngeimi an um dih cang.

A tanglei hi a zawmi an tambiknak state pawl an si:

  • Washington: 769 cases, 42 deaths
  • New York: 729 cases, 3 deaths
  • California: 371 cases, 6 deaths
  • Massachusetts: 164 cases
  • Colarado: 131 cases, 1 death
  • Florida: 115 cases, 4 deaths

US ram ah nifatin coronavirus zawtnak a ngeimi an karh caah Disney nih North America um a dawr le hotel vialte cu March 17 thok in ka khar dih cang hna lai tiin thawng a thanh ve cang.

Los Angeles khuapi zongah bar, nightclub le restaurant vialte cu March 31 tiang khar an si lai, tiah Los Angeles khuabawi Eric Garcetti nih a chim.

New York le Las Vegas zong nih restaurant, nightlclub le concert tuahnak vialte kan khar dih cang tiah Zarhpini ah an thanh.

Illinois, Ohio, Massachusetts, Washington le Pennsylvania zong nih a cunglei bantuk in rawl dawr, zuu dawr, nightclub le concert tuahnak vialte an khar dih cang.

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi