14.1 C
Hakha
Tuesday, September 21, 2021

Iran nih US ralkap drone puak viar in a kah

Van sangpi ah a zuangmi amongtu cit hau lomi US navy ralkap vanlawng (drone) cu Nilini ah Iran nih puak viar in a kah, tiah Fox News nih a ttial.

Hormuz rili cung a zuan lio ah vawlei-in-van kahnak missile in tla lakin an kah hi si.

Iran Ralkap bawi nih, “US navy ralkap drone puak lakin kan kahmi nih US cozah sinah biafiang a kuat. Iran cu aho he hmanh ral thawh kan i tim lo, nain a herh ahcun ral tho dingin ready kan si,” tiah a chim.

Boeing 737 khualtlawng vanlawng tluk in a thla saumi US Navy ralkap drone MQ-4C cu Iran ram in meng 17 hrawng a hlatnak ramdang vanlawng lam ah a zuang ko nain Iran ralkap nih an kah hi si, tiah kan theih.

Nain, Iran ralkap nih, “Iran ram chung Hormozgan state/province ah a hung zuan caah kan kahmi si,” tiah an chim.

US Central Command biachimtu Captain Bill Urban cu AP thawngla nih mah kong an hal nain a chim duh lo. “Iran ram cungah US drone kan zuanter lo” ti lawng a chim.

Iran cozah thawngzamhca IRNA nih, “kan kahmi US navy drone cu RQ-4 Global Hawk a si,” tiah a phuan.

Kan hnu zarh zongah “Iran nih zinaan phor tilawng 2 cu Gulf of Oman rili cungah a kah hna,” tiah US Ramdang Vuanci Mike Pompeo nih a chim.

“An kahning, an hriamnam hmanmi, mah kah khawhnak dingah thiam a herhmi pawl le sungtthoh thawngthanhmi pawl ttha tein kan ruah chih dih hnu ah Iran ralkap nih an kahmi si kan tinak si. Pawngkam tapung luklak nih cun kahnak hriamnam zong an ngei lo i an thiamnak zong nih a tlinh lo,” tiah a chim.

US cozah rianttuan pakhat nih, “kan hnu zarh i Iran nih zinaan phor tilawng a kah tlawmpal ahkhan a hmun ah kan thlahmi drone MQ9 Reaper zong an kah,” tiah a chim ve. — Fox News

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi