Indonesia thimnak result a chuak i President Joko Widodo nih teinak a hmuh tthan caah mipi cheukhat nih duh lonak an langhter i buainak tiang a chuak.

Atu tiang ah minung 6 an thi, a dang 200 leng hliamhma an pu.

A buaimi mipi cu ralkap le palik nih gas in an kah hna.

President Widodo nih Indonesia ram pumpi vote thlakmi 154 million chungah 85 million vote a ngah caah amah nih teinak a hmuh hi a si.

Nain, zuam cawhtu party lei in Prabowo nih “vote hi ningcang loin tamtuk an tuahpiak ka zumh,” tiah thawngla sinah a chim.

“Vote an relmi a diklo an timi hi an palh. Vote kan rel a dik lonak tehte zong an langhter khawh tunglo,” tuah vote reltu bu upa nih an chim.

Thimnak kong a hlattu pawl nih cun “tutan thimnak cu ningcang te le dingfel tein an tuah ko” tiah an chim ve.

Zahan i duhlonak langhtertu pawl cu zingka ahcun dai tein an um ko nain zaanlei in an buai thluahmah.

“Buainak a chuahpitu a si ti kan zumhmi miung 20 kan tlaih cang hna,” tiah Indonesia palik nih an chim.

Atu tan Indonesia thimnak security caah palik le ralkap 40,000 nih Jakarta khuapi an ven. _ CNA

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.