20.1 C
Hakha
Wednesday, June 16, 2021

Indonesia cozah nih Covid-19 ttih ruangah thongtla 18,000 a thlah hna

Indonesia cozah nih thongtla 18,000 kan thlah hna tiah nizaan ah a thanh.

Indonesia cozah nih a ram chung i mi tampi an i butnak thonginn ah Covid-19 zawtnak a karh sual lai ti a phan caah thongtla 30,000 leng thlah dingin thawng a thanh hnu ah thongtla 18,000 a thlah hna hi a si.

UN nih ram tampi cu an ram thongtla pawl thlah hna dingin a forhfial hna i kan hnu zarh ahkhan Afghanistan nih a ram chung thongtla 10,000 ka thlah ve hna lai tiah a thanh.

“Thongtla 30,000 thlah kan timhmi hna a si. Nain, mahnak tam zong thlah khawh a si. Thonginn chungah Covid-19 zawtnak karh hlah seh ti kan duh caah kan tuahmi a si.

“Cozah nih sualnak tuah ruangah thong a tlami ngakchia he upa he thlah dingin nawl a kan pek,” tiah Indonesia thonginn ttuanvo ngeitu Rika Aprianti nih a chim.

Thongtla chuahmi pawl cu inn ah um dingin nawl an pek hna.

Thongtla chuahmi lakah Sulawesi island ah sui kutdonghrolh fir ruangah 2017 in thong a rak tlami Firdaus (ngatlai) zong aa tel ve.

“Thonginn chungah Covid-19 zawtnak ka ngei sual lai ti ka phang tuk,” tiah Firdaus nih a chim.

“Thong cawng pawl cu an ra, an kal i aho te he dah an va umtti ti kan theih lo caah anmah sin in zawtnak kan i chawn sual ti ka phang tuk. Thonginn ka chuahmi hi kaa nuam tuk lo, a ruang cu thonginn chung ah a dang ka hawile zong an um rih,” tiah tu kum November thla ah thonginn in a chuak dingmi kum 33 pa nih a chim.

Amnesty International (NGO) nih Indonesia cozah cu thongtla a thlahmi kongah a thangthat i a ngandam lomi upa deuh pawl thlah dingin a forhfial.

Malaysia COVID-19

Malaysia
667,876
Mizaw Hmuhmi
Updated on June 16, 2021 1:45 pm
Malaysia
593,695
A Dammi
Updated on June 16, 2021 1:45 pm
Malaysia
4,069
A Thimi
Updated on June 16, 2021 1:45 pm
Malaysia
70,112
Zaw Liomi
Updated on June 16, 2021 1:45 pm

Ṭial Tharmi