29.1 C
Hakha
Tuesday, March 31, 2020
More

    Indianapolis ah palek nih mipa thi lak in a kah

    Ṭial Tharmi

    - Advertisement -

    Indianapolis, US — Zahan zaan ah misual a si ttheo lai tiin lunghrinhmi pa cu palek nih thi lakin a kah.

    Indianapolis Palek Sakhan (IMPD) nih, “42nd Street le Richelieu Road aa tonnak pawngah lunghrinhmi pa cu thah a tong,” tiah an chim.

    Ningani zaan 8pm hrawngah, palek pawl cu 42 le Brentwood pawng ah misual an um hnga maw tiin pawngkam an check. Thil sining an ngiatmi charhchan in mawttaw pakhat cu 42nd Street i block E ah an dirter.

    Mah lio ahcun, mawttaw hnulei ah a tthumi pa nih meithal aa hung chuah caah palek nih thi lakin a kah colh.

    Mawttaw mongtu cu palek nih an tlaih i bia an hal lio asi.

    Palek Bawi Major Kendal Adams nih, “lunghrinhmi pa meithal cu palek sakhan ah kan chiah,” tiah a chim.

    “Thah a tongmi lunghrinhmi pa kong he, palek pa nih thi lakin a kahmi hi palek zulhphung ning a si maw, timi he hlathlainak kan tuah lai,” tiah Indianapolis Palek Sakan (IMPD) nih a chim. — Fox59

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.