18 C
Hakha
Tuesday, September 21, 2021

Indianapolis ah Kawlrammi inn a kaang

Indianapolis — Tu zingka 7am (US caan) ah inn pakhat a kaang i minung 5 a simi chungkhar 1 cu umnak inn ngei loin a chiah hna, tiah US media nih an ttial.

Inn a kangmi cu Kachin kan unau hna inn a rak si, tiah a hmun a va phanmi Vanceuuk Khenglawt nih a chim.

Inn a kanghnak zawn cu Stop Eleven Road chaklei deuhte ah a ummi Broadview Drive i 7800 block ah asi.

Innpa nih, “mei khu rim kan theih caah lamral lei kan zoh, mawttaw chiahnak kudawng in mei a kaang thluahmah, chikhat te ah inn a kangh chih dih,” tiah an chim.

Inn ngeitu Kachin pa nih, “ka fale sianginn ah thlah dingin kudawng lei kalnak kutka ka on. Mah bak cun mei ngan taktak a kangh thluahmahmi ka hmuh. Kutka cu ka khar zok i ka chungkhar dihlak cu inn hmailei kutka in ka chuahpi hna,” tiah meithat pawl sinah a chim.

Vanchiat lei vantthat ah, minung cu ahohmanh a kangh manh hna lo, aa khawngmi an um lo.

Kudawng chung i mawttaw a kangh caah maw si hnga, siloah kudawng chung pakhat khat a kangh ruang ah maw si hnga ti cu thil sining hlattu (investigator) pawl zong nih an hngal rih lo.

A pawng um inn pakhat zong tlawmpal a hlio.

Indianapolis Meithat Zung nih, “mei nih a kanghmi hi $160,000 leng man a si, remh khawh ding a si ti lo,” tiah an chim.

US ram ahcun Inn Aamahkhan (Home Insurance) cawk cio si kaw a ngaite ahcun insurance company nih a thar an sakpiak tthan ding asi. Nain, a cawkmi insurance company policy cungah ai hngat.

Insurance company cheukhat cu asi khawh chungin liamh lo an i zuam ve i inn ngeitu tampi cu insurance company nih ningcang tein liamh thlu lomi an tampi. Inn kangh ngaihchiat le umnak ngeih lo lungretheih lakah insurance company sinah tangka cawh (claim) hi a buaithlak taktak rihmi asi.

Atang video ah Vanceuuk Khenglawt (The Chin Voice) nih a chimmi ngaih khawh chih a si.

Malaysia
2,112,175
Mizaw Hmuhmi
Updated on September 21, 2021 10:41 am
Malaysia
1,880,733
A Dammi
Updated on September 21, 2021 10:41 am
Malaysia
23,744
A Thimi
Updated on September 21, 2021 10:41 am
Malaysia
207,698
Zaw Liomi
Updated on September 21, 2021 10:41 am

Ṭial Tharmi