Malaysia: I-Kad ser chikhat an ngol chung

Malaysia I-Kad ser chikhat an ngol chung

“Seh lei thilri tlamtlinlo ruangah tu kum July 17 inkhan I-Kad ser chikhat kan ngol chung,” tiah Malaysia lahwahkah bawizik Khairul Dzaimee Daud nih a chim.

I-Kad tuah khawhnak caah passport a herh.

“Atu hi seh lei thilri tlamtlin lomi cu remh kan i zuam liopi a si,” tiah Khairul nih nizaan ah a chim.

I-Kad cu 2014 inkhan Malaysia cozah nih phungning tein a ummi ramdangmi hna rianttuannak caah a sermi a si. Phungninglo ramdangmi tlaih duh ah a sermi a si.

Malaysia lahwahkah nih I-Kad cu rian a phunphun ttuannak hmelchunhnak caah rong (colour) a phunphun in a ser.

Malaysia lahwahkah bawizik Khairul Dzaimee Daud
Malaysia lahwahkah bawizik Khairul Dzaimee Daud

Mah ramnak in Malaysia ram ah rianttuan dingin a ummi (expatriate) kha gold card, cinthlaknak lo ah rian a ttuanmi kha green card, dum i rian a ttuanmi kha orange card, innsaknak hmun in rian a ttuanmi kha grey card, services kha yellow card, sehzung ah rian a ttuanmi kha red card le sinum rian ttuanmi kha brown card tiin a ser piak hna.

I-Kad cu nawl ngeitu nih fawi tein an thleidan thiamnak hnga biometrics (kutpi nam, mit scan tbk,.) le barcodes telh a si.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.