14.9 C
Hakha
Tuesday, June 2, 2020

Huawei phone a hmangmi caah lohtlau

- Advertisement -

US President Donald Trump nih “Huawei company cu China cozah caah thlithup mi-ngiatu a si, kan ram caah a him lo” tiin a kham.

Cucaah, Huawei cu US company thilri cawk le hmannak nawl a ngei ti lo. US company Google nih Huawei cu Android license pek ti lo dingin thawng a thanh ve dang.

Huawei phone pawl ah PlayStore update a ra ti lai lo. Android OS update a ra ti lai lo. Atu lio na hmanmi apps tampi update a ra ti lai lo. Na phone a nuar thluahmah lai. App cheukhat cu hman khawh lo dirhmun tiang an phan kho.

A chuak tharmi Huawei phone vialte zong Android OS thar bik an hmang kho ti lai lo. A hlunmi le license hau loin zapi hman khawhmi Android OS version lawng an hman khawh cang lai.

Cucaah, Huawei phone cu adang nakin a nuar deuh lai i a him lo deuh lai. Gmail le Youtube zong hman khawh an si ti lai lo.

Atu hi a rannak in Huawei company nih anmah tein phone nunnak (Operating System or OS) an tuah cuahmah lio a si i “HongMeng” tiah an auh.

Nain, tu hnu kum 3 hlan ahcun rinhtlak a si lai lo. Rinhtlak a va si hmanh ah Android le IOS tluk in a ttha kho rih lai lo.

Huawei phone cawk zong i sum rih ah ttha, hnawmpung chung tangka hlonh a lo sual lai. — Wall Street Journal, The Verg le Bloomberg

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...