14.5 C
Hakha
Tuesday, June 2, 2020

Hpakant leimin in a thimi tangka ting 300 cio an liamh hna lai

- Advertisement -

“Kachin state, Hpakant peng lunghring cawhnak leimin ruangah a thimi chungkhar cu Kawlram tangka ting 300 cio kan liamh hna lai” tiin company nih a chim, tiah Hpakant peng Pyithu Hlutdaw MP U Tint Soe nih a chim.

April 23 dei hlan 12:20am hrawngah lunghring cawhnak nawncek kuang a cim i Myanmar Thuya company rianttuan 28 le Shwe Nagar company rianttuan 26 (dihlak 54) a nenh hna.

“Myanmar Thura company nih cun nizaan tiang ahkhan a thimi 12 i an chungkhar pawl cu tangka ting 300 cio a pek cang hna,” tiah MP U Tint Soe nih a chim.

“9 Dragons company zong nih Myanmar Thura company bantukin tangka kan liamh hna lai an ti ve nain zapi theih in thawng an thanh rih lo,” a ti.

April 23 deilan 12:20am hrawngah lunghring cawhnak nawncek kuang a cim i minung 54 a nenh hna, tiah thawngpang rak theih a si. Atu ahcun an thi dih cang lai, tiah zumh a si.

Rianrang in a nenhmi pawl cu an kawl hna i 54 lakah 6 an hmuh hna. 3 cu an ruak in an hmuh hna, tiah Ramchung Vuanci Zung nih April 24 ah thawng a thanh.

“Hmuhmi 6 lakah a thimi 3 ruak cu Hpakant sizung ah an kuat. Aa hliammi 3 cu Hpakant Sizung in Myitkyina Sizung ah an kuat hna.

“A thimi 3 lakah Ngun Za Kam zong aa tel. Hpakant Palek sakhan nih a herh ningin case an tuah i an hlat piak hna lio a si,” tiah Ramchung Vuanci Zung thanhca chungah aa ttial.

Ngun Za Kam, kum 19 cu Lungrang khuami Pu Kheng Din le Pi Sa Hawi hna i an fapa a si.

Nawncek kuang a cimmi nih minung 54 a phum hna pinah, vawlei thletnak mawtaw 15, Cawhnak/backhoe seh 19 le lungvihnak seh 5 zong a phum chih hna.

Atutiang ah vawlei thletnak seh 1 lawng an hmuh rih. —

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...