9.7 C
Hakha
Friday, February 21, 2020
More

    Hpakant ah lunghring cawhnak leimin in minung 14 an thi, 4 an tlau

    Follow Us

    99,971FansLike
    441SubscribersSubscribe

    Ṭial Tharmi

    - Advertisement -

    Kachin state — Zahan zaanttim deilei 2:30am hrawngah Hpakant peng i lunghring an cawhnak Singlung tlang a min i minung 14 an thi, 4 an tlau.

    A thimi lakah palek 1 aa tel. A tlaumi 4 zong hi an thi cang men lai, tiah zumh asi.

    A hmun um palek bawi Than Win Aung nih, “mi ruak 14 kan hmuh cang, minung 4 kan hmu rih hna lo, an thi ve lai ti phan a um tuk,” tiah a chim.

    “Palek pahnih kan khamh khawh hna. An lu lawng an i khawng. Sizung ah kan kuat hna.

    “Palek pakhat a thi,” tiah a chimchap.

    “Fur chung May in October tiang cu Hpakant ah lunghring co hlah uh” tiah cozah nih nawl a chuah nain, lunghring pelpawi a kawlmi pawl nih vawlei an cawh peng tthiam, tiah pawngkam mi nih an chim.

    “Nikhua ruangah company nih rian a ttuan lo. Phungninglo in a comi pawl ruangah vawlei a min sual lai tiah palek nih lunghring cawhnak hmun an hngah,” tiah Than Win Aung nih a chim.

    Lunghring cawhnak hmun pawngah a ummi Yau Dau, kum 25 nih, “zaanttim hnu ah vawlei cu a min,” tiah a chim.

    “Kai hngilh rih lo. Leimin thawng cu ttihnung taktak. Kan thi cang… kan inn a pil thluahmah tiin ka ruah,” tiah a chim.

    Hpakant peng lunghring cawhnak leimin in minung an thih hi avoi tam ngai cang.

    April thla zongah, lunghring cotu company rianttuang minung 55 cu lunghring an cawhnak nawncek kuang a min i an thi dih.

    2016 le 2017 kar ah Myanmar chuak lunghring an zuarmi hi $750.04 million asi, tiah Myanmar cozah cazin nih a langhter.

    Nain, thil sining a hngalmi hna nih, “lunghring an cawhmi tampi hi China ram ah phungninglo in an zuar, cozah nih a langhtermi nakin a tam deuh tuk lai,” tiah an chim. — Reuters

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.