12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Horha Tlang Ah A Tlami Kawlnu Ruak An Hmuh Cang

    Ṭial Tharmi

    - Advertisement -

    Tlangkai thiam nu Seint Htet cu April 12 ahkhan Kachin ram um tlang minthang Phagaram Tlang ah a tla nain a ruak an rak hmu colh lo.

    Myanmar Hiking and Mountaineering Federation le mi bawmtu nih Nu Seint Htet cu an kawl lengmang i May 25 ah Seint Htet ruak a si lai tiin ruahmi miruak pakhat an hmuh.

    “Phagaram Tlang ah miruak pakhat cu an hmuh ko. Nain, Seint Htet a si/lo checknak kan tuah hmasa lai,” tiah tuanvo ngeitu nih an thanh.

    “A thihnak zong a sau cang tikah Puta-O ah a ruak cu mei in kan khangh lai,” tiah a thimi Seint Htet a pa Maung Maung Lay nih a chim.

    April a zarh khatnak ah tlangkai thiam minung 21 cu Puta-O in Phagaram tlang ah an kai hna i mah ahcun Seint Htet zong a rak i tel ve.

    Tlangkai thiam minung 21 cu Phagaram Tlang an phak lio ah Myanmar thantar an rak bunh i mah hnu ah Myanmar ram hla an rak sa. Tlang in an ttum lei ah Seint Htet cu lam a nal i horkuang thuk ah a rak tla.

    Mibawm tu le Myanmar Hiking and Mountaineering Federation nih a ruak kawlnak cu voi 1 an tuah i May 4 ahkhan a angki le mitbenh an rak hmuh. Cun, May 25, thla 1 leng a rauh hnu ah a rauk cu an hmuh.

    Hringtu a pa nih a ruak an kawl lio ah ka fanu ruak a hmumi cu laksawng ah MMK ting 50 kan pek hna lai a rak ti hna. _ MMT

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.