Hakha Ah Nau Ngeihter Cawnnak Sianginn An Sak Lai

Hakha Ah Nau Ngeihter Cawnnak Sianginn An Sak Lai

Chin state ah avoi khatnak bik nau ngeihter cawnnak sianginn cu Hakha khuapi ah sak dingin tuni zinglei ahkhan Chin state cozah nih hmun honnak a tuah.

Nau ngeihter cawnnak sianginn cu Hakha College pawngah an sak hnik i tuni zingka ahkhan Chin state Vuanci choh Salai Lian Luai le Zatlang Zohkhenhnak Vuanci Pau Lun Min Thang nih an telpi hna.

“Chin state ah nau ngeiternak sianginn a um lo raungah Yangon ah kai a si. Hakha ah nau ngeiternak sianginn kan ngeih cang ahcun a tlawmbik minung 100, 120 an kai kho lai.”

“Cucaah, mipi ngandam zohkhenhnak a tha deuh lai. Chin state ah nau ngeihter thiam saya/ma an tam deuh cang lai i khua le ram caah tthatnak tampi a um lai tiah kan zumh,” tiah Zatlang Zohkhenhnak Vuanci Pau Lun Min Thang nih a chim.

Nau ngeihter cawnnak sianginnn saknak caah Chin state cozah nih budget 970 million kyat hman dingin a ti i nau ngeihter cawnnak sianginn le siangngakchia umnak inn tiah inn 2 an sak lai. Kum 2020 ah ong kho dingin an timh. _ Khonumthung

Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.