Michael Tumagan timi pa cu ‘Mobile Legends: Bang Bang’ game nih a suai tuk i level kai duh ah rawl ei le ih hngal lo tianginn aa celh tawn i a ngandam lo tuk hnu lawngah sizung ah aa piah.

Mobile Legends game cu vawlei cung mino tampi lak ah a lar ngaimi game pakhat a si.

Naite ahkhan Philippines ram ah Michael Tumagan cu game aa celh tuk nak ah rilpi cancer Stage 4 in a nunnak liamnak kong cu Facebook ah linsa ngai in an ceih.

Michael Tumagan nih cancer a ngeih hnu in mipi sinah bawmhalnak le a dam lonak kong cu Facebook ah a rak ttial i mah mi tampi nih an lungthat lonak an rak langhter len.

Michael Tumagan cu ih caan hngal lo le rawl ei caan hngal lo in game a rak i celh tawn.

A dam lo tuk hnu ceo in sizung ah aa piah i vanchiat ah a ril ah cancer hma an hmuh. Sibawi te nih hlaipiak an timh ko nain a zunthil le pawngkam zong a sehchih cang caah an khamh kho ti lo.

Michael Tumagan cu a thih hlan zarh khat ahkhan Kapuso Mo, Jessica Soho nih (TV) interview a tuah i mah ahcun game celh ruangah cancer a ngeihnak kong cu a phuan.