9 C
Hakha
Monday, November 29, 2021

Frence sibawi covid-19 zawtnak a ngeih caah aa that

Frence ram i Reims football club caah sibawi a ṭuanmi Dr. Bernard Gonzalez cu Covid-19 zawtnak a ngeih caah aa that, tiah kan theih.

“Kan lung a kekkuai tuk hringhran, Reims cu Bernard Gonzalez caah kan ṭap,” tiah Reims club nih cathluan a chuah.

“Reims club lawng si loin, Reims khuami nu he pa he kan ngaihchia tuk hringhran,” ati. Reims club cu Reims khuapi ah hrambunhmi bawlung club asi.

AFP nih Reims khuabawi Arnaud Robinet a chawnh i, “Reims club caah kum 20 leng sibawi a ṭuan cangmi kum 60 sibawi pa aa that, tiin sang cozah nih thawng an ka thanh,” tiah a chim.

“Dr. Donzalez nih, Covid-19 zawtnak ka ngei tiin ca a chiah ta, tiah an ka chimh,” ati.

Sizung rianṭuan pakhat nih, “ca a chiahta tak ko. Sibawipa hi liamcia ni 2 ahcun a dam ngaimi a lo ko,” tiah AFP sinah a chim ve.

“Kum tam tuk chung ka theih cangmi asi. A thih cu ka lau tuk hringhran.

“Reims club sibawi asi pinah, Reims khuami tampi zong a zohkhenh lengmangmi hna asi. Dawtnak a ngeih caah le rian aa biatak caah mi tampi nih an theih ngaimi asi.

“Football club lawng si loin amah a hngaltu Reims khuami vialte nih an ngai tuk cio lai,” ati.

Reims president Jean-Pierre Caillot nih, “thawngpang ka rel cu ka lau tuk,” tiah a chim.

“Mah pulrai nih hin Reims khuapi fak tukin a den. Mi nun ṭha tuk le zaanglek ah kan bochan tukmi nih a kan liamtak,” tiah a chim.

Mah ca kan ṭial lio tiang ahhin France ram ah coronavirus in minung 8,000 leng an thi cang.

Charhchan: AFP

Pulrai (pandemic) = rampumpi asiloah vawleipumpi a culmi zawtnak

Malaysia
2,619,577
Mizaw Hmuhmi
Updated on November 29, 2021 4:14 am
Malaysia
2,522,045
A Dammi
Updated on November 29, 2021 4:14 am
Malaysia
30,280
A Thimi
Updated on November 29, 2021 4:14 am
Malaysia
67,252
Zaw Liomi
Updated on November 29, 2021 4:14 am

Ṭial Tharmi