26.5 C
Hakha
Monday, June 1, 2020

Facang phorh a ngah lo caah Paletwa ah aa dormi ralzaam 2,000 leng zei bawmhnak hmanh an hmu rih lo

- Advertisement -

Ral ruangah Paletwa khua ah aa dormi ralzaam 2,010 an um i an umnak zarh 1 leng si cang nain bawmhnak zeihmanh an hmu rih lo.

Ralzaam pawl cu bawmh duh ahcun facang siloin tangka tu in bawmh ah a ttha deuh lai tiah Paletwa peng ukbawi nih a chim.

“Inn ngeitu hmanh facang a ngei lo i zeitin dah khualtlung cu a cawm khawh hna lai. Paletwa caah Samee zong ah facang a um. Sitwe zong ah facang a um ko. Nain, nan theih cio bantuk in zeiti hmanh in phorh kan ngah lo.

“Ralkap sinah bawmh kan hal i facang tun 200 kan ngah. Mah facang zong cu cozah rianttuan zung le sang kip ah kan phawt cio i a dih cang.

“Facang phorhnak lam a um lo. Atu hi Hna Ma Dar khuate pawnghrawng ah facang cawkawk a ummi paoh kan cawk i cutin kan cal. Facang chia hi tun 1 ah Kyats 75,000 in 150,000 tiang an hauh. Ralzaam pawl hi bawmh nan duh tak ko hna ahcun tangka a ttha deuh,” tiah Paletwa peng ukbawi U Aung Law Ha nih a chim.

February 4 thok in a dang peng pawl he tlunkalnak lam a pih pinah internet zong an phihmi Paletwa khua ah facang a dih i, a um chom facang zong a man fah tuk caah khuami harnak an tong.

“Ka lungttha lo tuk. Kan daihthlanhmi hna a lo. Ralzaam minung 2,000 leng zong Paletwa khua na phaknak zarh 2 hrawng si cang i zei bawmhnak hmanh an hmu lo,” tiah ralzaam bawmhnak ah a cawlcang vemi khuami pakhat nih a chim.

Paletwa peng ralzaam pawl bawmhnak pek a duhmi nih 09262642344 ah pehtlaih khawh a si. – Khumi Media

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...