15.1 C
Hakha
Wednesday, September 30, 2020

Esther: Ngaktah bawmhnak caah tangka ting 70 leng ka khon cang, ka kawl chap lio asi

- Advertisement -

Myanmar Idol Season 4 winner Esther Dawt Chin Sung nih, “Khrihfa ka si bang laksawng ka hmuhmi ting 700 chungin cheuhra cheukhat ka chiah, a tangmi chungin ting 70 cu ngakṭah bawmhnak caah a dang tein ka chiah,” tiah a chim.

“Nain ting 70 cu ka phawt hna ahcun tlawmte cio lawng an tin ding si caah, atu puai i hla ka sakmi in ka hmuhmi tete hi ka bet chih thluahmah i ting 70 leng asi cang.

“Ngakṭah chungin ca a thiammi maw a awṭha mi maw minung 2 lole 3 hrawng hi an i tinhmi an phak khawhnak hnga ka si khawh chungin bawmh ka duh hna. An i tinhmi an phak tiang pehzulh in bawmh ka duh hna.

“Ka si khawh chungin lam ka hmuhsak hna lai i a herhmi tangka zong ka si khawh chungin ka bawmh hna lai. Adang cu punghman hlut in ka hlut hna lai. Minung 2 lole 3 hrawng hi cu kutsih in an i tinhmi lei ah ka hruai hna lai i ka bawmh hna lai.

“Cheukhat nih cun Chin asi ruangah Chin miphun ca lawngah rian a ṭuan lai tiah an ka ruah, nain Myanmar Idol in a kaimi ka si bang Chinmi lawng nih vote pekmi ka si lo i Myanmar miphun kip nih vote pekmi ka si.

“Cucaah, ngakṭah ka bawmh dingmi cu Chinmi thengmang ka ti lo. Myanmar ram pumpi ngakṭah chungin ka thim te hna lai i Chin zong cu aa va tel ve te kho men ko. Ka miphun le miphun dang zong an si te kho.

“Chin miphun caah zeihmanh ka tuah lai lo ka tinak asi lo. Ka miphun nih an ka dawt caah ramleng zongin vote tampi an ka pek. Kei zong nih ka miphun cu ka dawt ve i ka miphun caah tuah ding cu a dang tein plan ka suaimi um ve.

“Atu cu zeihmanh ka tuah khawhmi um rih lo, nain ka tuah khawhmi te cu tuah ve dingin timhtuahnak ka ngei ko.

“March thla tiang hi cu puai ah hlasak ding tam ngai ka ngeih caah kaa manh tuk lo i ka chuah ni lawmhnak puai zong ka tuah kho lai ka zum lo. Manager zong kai kawl lio asi i ka hmu rih lo. Atu zong hi keimah tein manager kai ṭuan, keimah tein kai ṭamh pah i kaa manh lo ngai,” tiah a chim.

A tang video ah tling tein zoh ve

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...