18 C
Hakha
Tuesday, September 21, 2021

Esther Dawt Chin Sung cu a fan pawl nih motor laksawng an pek

Myanmar Idol Season 4 winner ngahtu Esther Dawt Chin Sung cu a fan pawl nih Fan Meeting ah Honda motor a raangmi an pek.

“Ka fan pawl nih kaa zuam chung vialte vote an ka pek peng. An mitkuh vuailo caan zong tampi. Atu bantuk laksawng nganpi hi an ka pek lai ti kaa ruahchan ngam lo i kaa ruahchan bal lo,” tiah Esther Dawt Chin Sung nih a chim.

“Anmah sinin thapeknak le dawtnak ka hmuhmi hi ka caah a zatuk cang. Zuamnak chungah winner tiang a phanmi ka si tikah vote an ka pek tikah midang nak in tangka an dih deuh.”

“Atu bantuk in laksawng nganpi motor an ka pek i ka fan pawl cungah kaa lawm tuk. Keimah tu cu nan ka hmuh bantuk in zeihmanh ka ngei lo i anmah ca cun zeihmanh ka tuahpiak khawhmi hna um lo. Nain, an dawtnak cham ai ah hla thar ka tuah lai.”

“Atu ahcun inn le motor ka ngeih cang caah Yangon khua chung umkalnak a sinpi tuk cang. Ka sining ruahpiak in atu bantuk in an ka tuahpiakmi cung ah kaa lawm tuk,” tiah Esther nih a chimchap.

Myanmar Idol aa zuam vemi Tan Khun Kyaw zong a fan pawl nih motor laksawng an pek ve.

“Tan Khun Kyaw a fan pawl nih laksawng an pek lio ahkhan keimah upa motor ngah bantuk in ka lawmhpi ve i a post tang ah ‘motor kaa cit kho cang lai’ ti zong in ka ttial ve. Atu ahcun motor ka ngah ve cang i kan pahnih nih a dang top 11 pawl cu Yangon khua chung ah kan vahpi khawh cang hna lai. Midang zong an ngah ve te ko lai,” tiah Esther nih a chim. – MC

Malaysia
2,112,175
Mizaw Hmuhmi
Updated on September 21, 2021 9:40 am
Malaysia
1,880,733
A Dammi
Updated on September 21, 2021 9:40 am
Malaysia
23,744
A Thimi
Updated on September 21, 2021 9:40 am
Malaysia
207,698
Zaw Liomi
Updated on September 21, 2021 9:40 am

Ṭial Tharmi