12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Esther, Benjamin le Yaw Kee nih Paletwa Chin ralzaam caah bawmh an halpiak hna lai

    Ṭial Tharmi

    - Advertisement -

    Myanmar Idol ah hlasak aa zuammi Yaw Kee nih Esther Dawt Chin Sung le Benjamin Sum he i bawm in kan unau Paletwa peng Chin ralzaam hna caah bawmhnak kan halpiak hna lai tiah thawng a thanh.

    Yaw Kee nih a Facebook cahmai ah hitin ca a ttial.

    “Nan dam cio hna maw? Kan unau simi Paletwa peng Chin ralzaam hna an tonmi kong nifatin rel cu lung a ttha hrim lo. Anmah caah kan si khawh tawk in tangka bawmhhal piak ka duh hna.

    Ting 10 kaa thawh lai i cutin tangka bawmhhalnak cu kan tuah lai. Keimah bantuk in Paletwa Chin ralzaam hna bawmh a duh vemi nan um ahcun kanmah i bawm in nan si khawh tawk bawmh ve hna dingin kan in sawm hna.

    Hi bawmh halnak ahhin keimah lawng ka si lai lo. MMID S4 in Esther le Benjamin sum he kan tuah lai. Kan tafar 3 i bawm in bawmh halnak kan tuah dingmi ah aho paoh a tlawm/tam tilo in nan ti khawh tawk na kan bawmh venak lai zaangfah kan in nawl hna.

    Bawmh halnak kan tuah dih hnu ah thawngthanhnak kan tuah te lai. Phone-09 895825319, 09400311758 hi pehtlaih in hlut khawh a si. Wave money zong in kuat khawh a si.”

    March 14 le 15 ahkhan Paletwa peng ah Kawl ralkap nih vanlawng in AA pawl an kah hna nak ah khuami 21 an thi, 28 hliam an tuar.

    Paletwa peng khua 9 in khuami 1,500 hrawng cu Samee khua ah an zaam i bawmh an herh hringhran.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.