Myanmar hlasa minthang Eint Chit nih Vietnam ram, Quang Ninh khuapi ah tuahmi ASEAN+3 SONG CONTEST 2019 hlasak zuamnak ah 3nk laksawng a co.

ASEAN+3 SONG CONTEST 2019 hlasak zuamnak cu The Voice Vietnam nih a tuahmi a si i, ASEAN ram chung in hlasa minthang tampi an i zuam hna.

“Ka chuahka in hlasak kaa zuam avoi khatnak bik a si. Hmuntonmi ka ngaih lo tikah, ka ttih ngai. Ttuanvo ngeitu upa te nih US na kal hlan te ah hlasak rak kan zuampiak tiin an ka chimh”.

“A hramthok ahcun keimah hla lawng te in kaa zuam lai ka ti. Nain, ram chung ah hlasa minthang cia ka si ve, cun judge pawl caah biakhiah awk ah a har tuk sual lai tiin semifinal ahkhan mirang hla ka saknak a si”.

“Final tu ahkhan cun Myanmar rammi ka si ruangah Myanmar hla (keimah hla) in kaa zuamnak kha a si,” tiah Eint Chit nih a chim.

ASEAN+3 SONG CONTEST 2019 hlasak zuamnak ah ASEAN ram chung in hlasa minthang 22 an i zuam kho i Malaysia in hlasa minthang Rosario Ninih Chamini Bianis nih 1nk laksawng a co. Philippines ram in Aicelle Santos le Myanmar ram in Eint Chit nih 2nk le 3nk an co.