Naite ahkhan Thailand ram ah man a sang bik a pe khotu sin i zuarnak (auction) an tuah i durian pum 1 te ah baht 1.5 million (RM199,289) in an zuar khawh.

Kanyao durian cu vawlei cung durian lak ah a manfak bik phun a si. Thailand ram, Nonthaburi khuapi ah auction cu an tuah i Kanyao durian nih mirum tampi eiduhnak lung a lak hna.

Durian cu a hmetngan, a pungsan le a hmin ning zoh in an thimmi a si. A luancia i durian manfak bik an zuarmi hi 800,000 baht a si.

Auction ahhin Monthong, Kanyao le Kop Med Tao tiin durian phun 3 in hmuhsaknak an tuah i pum 1 ah baht 300,000 leng man lawngte an si hna.

Durian ngeitu hi Maliwan Han Chai Thai a si i Pa Toi Lung Mu timi lo a ngeimi a si.

“Durian hi a dang durian nakin a mak deuhmi a si i hi zat in an manh caah kaa nuam ngai. Baht 1 million hrawng in an manh te lai tiah ka ruah nain mahnak tampi an zuar khawh caah a tha chin,” tiah Maliwan nih a chim.

Thailand ram ahhin durian hi buaktlak in pum 1 ah baht 500 hrawng an si hna. Thailand nitlak lei tu cun tlawmpal a man fak deuh. Nain, lo ahcun durian pum 1 ah baht 20,000 an hauh. _ NST