Dr. model Nang Mwe San cu Myanmar Medical Council nih June 3 ahkhan a sibawi sinak license an chuhnak kong cathluan a chuah.

Dr. Nang Mwe San nih a sibawi sinak license cu thla khat chungah cu va ap ding a si.

Myanmar Medical Council nih cathluan a chuahmi chungah, Dr Nang Mwe San cu Myanmar nunphung he i kalh in thil aa hruk i Facebook ah hmanthlak le video a tar tawn. Mah kongah Dr. Nang Mwe San nih 2019 February 14 ahkhan zoh dawhlo thil kaa hruk ti lai lo tiin lungtlinnak biakamnak minsen a thut.

Nain, min a thut thla 3 leng a rauh hnu ah Dr. Nang Mwe San nih Facebook ah sexy hmanthlak tar le video tar a tuah tthan.

Cu ruangah, May 31 ah tuahmi Myanmar Medical Council meeting ah a sibawi sinak license chuh dingin bia an khiah.

Model Nang Mwe San nih a Facebook cahmai ah ‘What is human right? Where is democracy?” tiah biahalnak a ttial. _ The Irrawaddy