12.5 C
Hakha
Friday, April 10, 2020
More
    Ramkip
    1,511,104
    Zawtnak hmuhmi dihlak
    Ramkip
    328,661
    A dammi dihlak
    Ramkip
    88,338
    A thimi dihlak

    Dingdi Dream le Visakha Foundation nih Paletwa peng Chin ralzaam hna caah bawmhnak tampi an pek

    Ṭial Tharmi

    - Advertisement -

    Paletwa peng Chin ralzaam hna caah Dingdi Dream le Visakha Foundation nih facang, chiti le sii pawl bawmhnak an pek i Mandalar Minn nih free tein a phorhpiak hna.

    “Paletwa peng khua 9 in Samee le Matupi ah a zaammi Chin ralzaam 2,000 hrawng caah facang, chiti, sii le a dangdang dinei awk a zate man hi Kyats 5,248,990 a si,” tiah Visakha Foundation nih a langhter.

    Bawmhnak thil pawl cu tuzaan lei ahkhan Yangon khuapi i Mandalar Minn car gate in aa thawh cang.

    “Mibawmtu vialte le a lak tein thil a kan phorhpiaktu Mandalar Minn cung ah kan i lawm tuk,” tiah Dingdi Dream nih a ti.

    Cu lawng siloin, Dingdi Dream nih Paletwa peng i khua 9 in Samee khua ah a zaammi Chin ralzaam 1,500 hrawng caah bawmhnak a kawlpiak rih i Kyat ting 30 an hmuh.

    Tangka cu Dingdi Dream i tangka keng Pi Sung Khun Tial le a vapa nih tu zingka ahkhan Dingdi Dream aiawh in Chin state Zatlang Vuanci Pu Pau Lun Min Thang sin ah an pek.

    March 14 le 15 ahkhan Kawl ralkap nih Paletwa peng, Meesawa khua, Wetma khua le Pyinetin khua ah vanlawng in bomb an thlak i khuami 21 an thi.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zihttps://www.theihtlei.com
    Azi cu Faiceu Journal website ah kum 1 leng thawnggpang a leh hnu ah The Chin Express (chinexpress.info, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.