14.1 C
Hakha
Tuesday, September 21, 2021

Trump bia a fak bak: Democrat nu MP pawl va kir ulaw nan ratnak ram kha va remh uh

Washington — US President Donald Trump nih Democratic party in MP a ngahmi nu pawl cu ‘a rawk dih cikcekmi le sualnak nih a tuammi nan ratnak ram ah va kir ulaw remh va bawm hna uh’ a ti bak ko hna.

Ramdang in a rami fa koko nih cutin khatin US cozah rianttuan seh tiah US mipi an chimhmi hna cu a duh bak lo.

Democratic party member pawl cu “Trump biachim hi miphun thleidan bak asi” tiah i fahsak takin an zai ve.

Zarhpini (US caan) ah President Trump nih, “a rawk dih cikcekmi ram pawl in a rami Democrat nu MP pawl nih cutin khatin US cozah rianttuan seh tiah US mipi an chimh lenmi hna hi amak ko.

“A rawk dih cikcekmi le sualnak nih a tuammi an ratnak ram ahkhan va kir hna sehlaw remh va bawm hna sehlaw an i fai deuh lai,” tiah Twitter ah a ttial.

Trump nih an min cun a thliar hna lo nain, Democrat nu MP chungin New York um MP Alexandria Ocasio-Cortez, Minnesota um MP Ilhan Omar, Massachusetts um MP Ayanna Pressley le Michigan um MP Rashida Tlaib hi a timi hna si lai ti a fiang.

MP Ilhan Omar cu kum 1997 ah Somalia ram in Minneapolis khua (Minnesota state) ah ralzaam in a rak phan. Hnu ah Democratic party ah a lut i Hlutdaw Niam (House) ah MP aa cuh i a ngahmi si.

MP Alexandria Ocasio-Cortez cu New York City ah a chuakmi si ko nain, a nu hi Puerto Rico ram ah a chuakmi si.

“Pu. President, ka ratnak le zohkhenh dingin bia ka kamhmi ram cu US asi. America ah kan i tel vemi na cohlan khawh lo caah na thinhung mu. Na firtlei duh ah American thinphang in chiah nai zuam,” tiah MP Alexandria nih Twitter ah a leh.

Hlutdaw Niam (House) hruaitu nu Nancy Pelosi (Democratic MP) nih, “Trump bia chim hi ramdangmi huat bak si” a ti ve.

“Donald Trump nih American nu MP 4 an ram ah va kir hna seh a timi hi, ‘America A Liannganter Tthan’ a timi cu ‘America ah Mirang lawng umter tthan’ a ti duhnak a rak si peng ti a lang,” tiah a nolh chap.

Malaysia
2,112,175
Mizaw Hmuhmi
Updated on September 21, 2021 8:39 am
Malaysia
1,880,733
A Dammi
Updated on September 21, 2021 8:39 am
Malaysia
23,744
A Thimi
Updated on September 21, 2021 8:39 am
Malaysia
207,698
Zaw Liomi
Updated on September 21, 2021 8:39 am

Ṭial Tharmi