19.5 C
Hakha
Monday, November 29, 2021

Delhi Ralzaam caah thawngpang ttha kan thanh hna: UNHCR nih biachahnak a tuah mi a remh (Postpone)

Tuni 24 August 2018 ah UNHCR he tonnak kan ngei kho. Tutan tonnak ah ralzam upa, Women lei palai zong an i tel i UNHCR lei in Delhi UNHCR Chief of mission, Durable solution Unit in senior officer, Protection officer le tutan UNHCR biachahnak kong ah ttuanvo ngeitu pawl an i tel.

Tuni meeting hi information pek ding hrim in Chief of mission nih an kan auh mi a si. Chief of mission nih an kan chimh ning tein a tanglei ah ka langhter lai.

“Tutan UNHCR lei nih thawngthanhnak a tuah mi, Chin ralzam pawl zohkhenhnak a dong cang lai timi kong ah biatak tein nan cawlcang i nan ram dirhmun tampi kan hmuh khawh colh ruang ah kan i lawm.

UNHCR biachah mi dohnak ding le zohtthannak ding ah report (CHRO nih a tuah mi) nan tuah mi cu ttha tein kan rel dih, Cun ralzam upa lei in nan ram dirhmun nan langhter mi, ralzam pumpak cio kan ton mi hna kip an bia pawl cu tha tein kan khomh dih hnu ah UNHCR head quarter (Geneva) le Regional office kipah kan kuat hna i ceih hmainak kan ngeih tthan hnu ah Geneva nih biachahnak pakhat an kan tuah piak tthan cang.

September ah thok ding mi interview cu postpone a si cang. A ruang cu Report nan pek mi vialte hi kan mah UNHCR lei nih kan va zoh dih ve lai. UNHCR nih “Go and see visit” timi phu kan ser i cu mission cu Kawlram/ Chin state ah a va tlawng ve lai i nan report i a lang mi hmun kip ah a va kal lai.

Cu Go and see visit nih felfai tein thil sining a zohfel tthan dih cikcek hnu ah a herh ning in UNHCR nih a biachahnak cu a peh zulh tthan te lai. Go and see visit phu nih hin a ra lai mi October hla chung ah Chin ramkulh phak khawh an i zuam lai i thil sining a zohfel lai pin ah Cozah phu, ramkhel phu, NGOs ti bantuk pawl zong ton dih a zuam hna lai” tiah Chief of mission nih a chim ning cu a si.

Tutan notification interview postpone nan tuah mi hi India (Delhi) ca lawng maw a si, Malaysia, Thailand ti bantuk teh postpone tuahpiak an si ve lai maw tiah biahalnak kan tuah mi ah an kan leh mi cu “India UNHCR nih postpone tuah ding in Geneva ah a hal, ram pakhat le pakhat kan dirhmun aa lawh lo caah Thailand le Malaysia cu an mah le ram (UNHCR) nih zeitin dah a hal ve timi kan mah nih kan chim kho lo (Kan chim awk a si rih lo) tiah a kan leh.

Hi ka zawn ah ruah ding mi cu Go and see visit timi phu ah hin India UNHCR, Thailand, Malaysia ti bantuk in UNHCR palai thim an si lai i Chin refugee pumpak nih kan tel khawh pi hna lo hmanh ah kan mah nih kan zumh bak mi, Chin refugee caah sau ngai rian a ttuan mi, biatak tein a cawlcang mi organization kha UNHCR ah propose kan tuah piak khawh i tutan an tuah ding mi research ah an telh ve hna lai.

Tutan UNHCR he meeting ah a tel mi pawl cu

1. Remmawi (CRC)
2. Salai Cung Dawt (CHRO)
3. Niang Than Ling (BRWD)
4. Lian Ci Thang (DCCF)
5. Zo Sang Lian (DCCF)
6. Mangnu (BRWD)

Note: Hi ka ca hi edit le sermon ka tuah piak hram hlah uh.

Malaysia
2,623,816
Mizaw Hmuhmi
Updated on November 29, 2021 12:29 pm
Malaysia
2,527,052
A Dammi
Updated on November 29, 2021 12:29 pm
Malaysia
30,309
A Thimi
Updated on November 29, 2021 12:29 pm
Malaysia
66,455
Zaw Liomi
Updated on November 29, 2021 12:29 pm

Ṭial Tharmi