17 C
Hakha
Sunday, August 9, 2020

Daw Aung San Suu Kyi nih Indianapolis ah tuah ding Myanmar Union Day puai ah bia a chim lai

- Advertisement -

US Chinmi an tambiknak Indianapolis khuapi um Emmerich Manual High School ah US Kawlrammi pawl nih February 8 ah 73nk Myanmar Union Day puai an tuah lai, i Daw Aung Sang Suu Kyi nih video in bia a chim lai.

February 12, 2020 khi Panglong Lungtlinnak minsen an thut in kum 73 a tlin ni asi. Kum 1947 ah Shan state um Panglang khua ah Daw Aung San Suu Kyi a pa Aung San le Burma cozah hruaitu pawl, Chin Hill (atu lio Chin state) hruaitu hna, Shan le Kachin hruaitu hna nih Mirang uknak in luatnak lak dingin le Democracy Federal Rampi dirh dingin biatung 9 lungtlinnak minsen an rak thut.

Philh awk a ṭha lomi Myanmar le a mi hna nih hi ramkhel hlawhtlinnak an rak hmuhmi tuanbia cu Myanmar ramchung le khuaza ramkip um Myanmar tefa vialte nih upat pek le lawmh cio asi.

Indianapolis um Kawlram tefa hna le an hawile zong nih tu kum he cun lawmhnak puai an tuah hi a kum 4nak si ve cang. US mipi le Kawlram tefa hna kar ah i theihthiamnak karh sehlaw, Myanmar ram zongah Panglang nih aa tinhmi muru ningin democracy federal rampi dirh kho hna seh, zalonnak le miphun vialte aa tluk tein covo ngei kho hna seh ti kan duh ti langhternak caah Kawlram miphun kip nunphung le tuanbia ro sunglawi lawmhnak le i hrawmnak puai an tuah ve lengmang hi si.

Cun; Myanmar ram ah phunghram nan remh khawhnak hnga, miphun vialte caah santlaimi chawleh ṭhanchonak nan ser khawhnak hnga le Myanmar ram a ṭhanchonak hnga – atu nan tuah cuahmahmi Rammi Lungrualnak le Daihnak Meṭing (21st Century Panglong Conference) hi kan thinlung le kan ti khawh ningin thazaang kan in pek hna ti zong US um Kawlram tefa hna nih langhter an duh caah atu bantukin Myanmar Union Day an tuah ve tawnnak asi fawn.

Indianapolis khuabawi Joseph Hogsett le Indiana state mee kuang 7nak in US Hlutdaw Niam ah MP/Congressman a ṭuanmi André D. Carson nih puai ni ah bia an chim ve lai.

US Chinmi kan herhnak paoh ah a kan dirpi lengmangtu Senator Todd Young zong nih video in Myanmar Union Day puai donnak bia a chim ve lai.

Ahopaoh puai ah kal khawh cio asi. Cuṭin in ticket lak a hau lo nain, ṭha deuh in puai kan timhtuah khawhnak hnga hika info@baci-indy.org ahhin free ticket hal ulaw kan duh ko, tiah Burmese American Community Institute (BACI) nih thawng a thanh.

Kawlram miphun kip nunphung hmuhsaknak, Myanmar music le rawl hna telh in atanglei bangin Union Day puai cu timhtuah asi:

  • Doors Open: 12:30pm — Myanmar le Southeast Asia rimrua keng miphun rawl sit bak ei khawh an si lai
  • Entertainment: 1pm – 2:30pm — Music & Songs, Food Remarks
  • Main Ceremony: 2:30PM – 4:30PM — Cultural Dance, Ethnic Fashion, Speeches
  • Entertainment & Extras: 4:30 – 7:00PM — Music, Songs, Talent Show, Debate, Food, and more.

RSVP at info@baci-indy.org by Feb. 7th at noon. Visit Myanmar Union Day event pagehttps://thebaci.org/?p=3538

Media Contact:
Elaisa Vahnie, Executive Director
Burmese American Community Institute
812.929.7193
evahnie@thebaci.org

About BACI
The Burmese American Community Institute (BACI) is a non-profit organization founded in 2011 that provides educational and vocational support to the Burmese community in greater Indianapolis. The BACI also supports community members regionally, nationally, and globally through new initiatives, collaborative and strategic partnerships, and advocacy.

- Advertisement -

Ṭial Tharmi

Ramdang khrihfa nih ACR sin in Chin ralzaam tampi an bawmh hna

Dawtnak ngei ramdang khrihfa pawl nih Malaysia um Chin ralzaam tampi caah ACR (Alliance for Chin Refugees) sinah bawmhnak an pek, tiah...